Ferill 326. máls. Aðrar útgáfur af skjalinu: PDF - Word Perfect.
152. löggjafarþing 2021–2022.
Þingskjal 461 — 326. mál.
Fyrirspurn
til mennta- og barnamálaráðherra um aukinn fjölda tilkynntra brota gegn börnum á tímum COVID-19.
Frá Berglindi Ósk Guðmundsdóttur.
1. Hvernig ætlar ráðherra að bregðast við niðurstöðu nýrrar skýrslu Barnaverndarstofu þar sem fram kemur að tilkynningum til barnaverndarnefnda um brot gegn börnum á árunum 2020–2021 hafi fjölgað um tæp 17% milli ára?
2. Greip ráðherra til einhverra aðgerða í þágu barna eftir að heimsfaraldur COVID-19 brast á í upphafi árs 2020 til að mæta víðtækum afleiðingum sóttvarnaaðgerða stjórnvalda á börn? Ef svo er, skiluðu þær aðgerðir árangri að mati ráðherra?
3. Hyggst ráðherra beita sér fyrir því að efla þjálfun kennara í skólakerfinu til að bregðast við þegar grunur vaknar um brot gegn börnum?
4. Hyggst ráðherra beita sér fyrir því að viðbragðsáætlun verði í gildi í öllum skólum landsins til að mæta aðstæðum þegar grunur leikur á um brot gegn börnum?
5. Hvað tekur að meðaltali langan tíma að vinna úr tilkynningu um grun um brot gegn börnum hjá barnaverndarnefndum?
6. Úr hversu mörgum tilkynningum um brot gegn börnum á nú eftir að vinna hjá barnaverndarnefndum?
Skriflegt svar óskast.
