Ferill 277. máls. Aðrar útgáfur af skjalinu: PDF - Word Perfect.
152. löggjafarþing 2021–2022.
Þingskjal 599 — 277. mál.
Svar
dómsmálaráðherra við fyrirspurn frá Evu Sjöfn Helgadóttur um sakavottorð barna.
Fyrirspurnin hljóðar svo:
Hversu mörg börn hafa verið sett á sakaskrá í kjölfar refsilagabrota undanfarin 10 ár? Hversu mörg þeirra eru enn með brot á sakaskrá sem koma fram á almennu sakavottorði, sbr. reglur ríkissaksóknara um sakaskrá ríkisins? Svar óskast sundurliðað eftir fjölda ára sem brot birtast á sakavottorði.
Hér á eftir er að finna upplýsingar um fjölda barna á aldrinum 15–18 ára sem voru skráð með brot á sakaskrá ríkisins undanfarin 10 ár, sundurliðað eftir árum. Listinn tekur yfir öll brot þessara einstaklinga sem færð voru á sakaskrá, þ.e. bæði brot sem koma fram á sakavottorði útgefnu til yfirvalda, sbr. 10. gr. reglna um sakaskrá ríkisins, og vottorð til hins skráða (einkavottorð), sbr. 8. gr. reglnanna.
Ártal | Aldur | Fjöldi | Ártal | Aldur | Fjöldi | |
2012 | 15 | 5 | 2018 | 15 | 1 | |
2012 | 16 | 31 | 2018 | 16 | 8 | |
2012 | 17 | 106 | 2018 | 17 | 49 | |
2013 | 15 | 13 | 2019 | 15 | 6 | |
2013 | 16 | 43 | 2019 | 16 | 15 | |
2013 | 17 | 114 | 2019 | 17 | 49 | |
2014 | 15 | 10 | 2020 | 15 | 7 | |
2014 | 16 | 30 | 2020 | 16 | 16 | |
2014 | 17 | 103 | 2020 | 17 | 64 | |
2015 | 15 | 4 | 2021 | 15 | 1 | |
2015 | 16 | 37 | 2021 | 16 | 28 | |
2015 | 17 | 64 | 2021 | 17 | 61 | |
2016 | 15 | 9 | 2022 | 15 | 1 | |
2016 | 16 | 19 | 2022 | 17 | 3 | |
2016 | 17 | 62 | ||||
2017 | 15 | 4 | ||||
2017 | 16 | 16 | ||||
2017 | 17 | 44 |
Ekki er hægt að kalla fram upplýsingar um hve mörg börn eru enn með brot á sakaskrá þar sem þær upplýsingar eru ekki aðgengilegar í sakaskrárkerfinu eins og er.
Framangreindar upplýsingar voru teknar saman af embætti ríkissaksóknara.