Ferill 612. máls. Aðrar útgáfur af skjalinu: PDF - Word Perfect.
152. löggjafarþing 2021–2022.
Þingskjal 858 — 612. mál.
Fyrirspurn
til heilbrigðisráðherra um skort á læknum og öðru heilbrigðisstarfsfólki á landsbyggðinni.
Frá Bjarna Jónssyni.
1. Hvernig hyggst ráðherra bregðast við bráðum skorti á læknum og heilbrigðisstarfsfólki víða á landsbyggðinni? Telur ráðherra koma til álita að grípa til sértækra aðgerða og ef svo er, hvernig og hvar telur ráðherra brýnast að ráðast í slíkar aðgerðir með vísan til búsetuöryggis?
2. Hver er staða þeirra aðgerða sem vísað er til í kafla A.6. Héraðslækningar í þingsályktun nr. 24/148, um stefnumótandi byggðaáætlun fyrir árin 2018–2024? Hefur heilsugæslulæknum fjölgað á landsbyggðinni fyrir tilstilli verkefnisins?
3. Hver er fjöldi starfandi lækna á landsbyggðinni? Svar óskast sundurliðað eftir starfsstöðvum og eftir því hvort læknar starfi í verktöku, hafi fasta búsetu í nágrenni starfsstöðvar og séu tiltækir á starfsstöð sinni allan ársins hring.
Skriflegt svar óskast.
