Ferill 614. máls. Aðrar útgáfur af skjalinu: PDF - Word Perfect.
152. löggjafarþing 2021–2022.
Þingskjal 860 — 614. mál.
Fyrirspurn
til innviðaráðherra um tillögur Skipulagsstofnunar um að synja beri aðalskipulagi.
Frá Birgi Þórarinssyni.
1. Telur ráðherra að málsmeðferð Skipulagsstofnunar hafi verið í samræmi við lög þegar hún gerði tillögu um að synja bæri aðalskipulagi í Dalabyggð vegna vindorkugarða í sveitarfélaginu 13. júlí 2021 án þess að hún rökstyddi tillögu sína með greinargerð eins og áskilið er í 4. mgr. 32. gr. skipulagslaga, nr. 123/2010?
2. Í hvaða málum hefur Skipulagsstofnun gert tillögu um að synja bæri aðalskipulagi á grundvelli 4. mgr. 32. gr. skipulagslaga frá 1. janúar 2011?
Skriflegt svar óskast.