Ferill 546. máls. Aðrar útgáfur af skjalinu: PDF - Word Perfect.
152. löggjafarþing 2021–2022.
Þingskjal 973 — 546. mál.
Svar
forsætisráðherra við fyrirspurn frá Hildu Jönu Gísladóttur um skipan í stjórnir, starfshópa, nefndir, ráð o.þ.h.
Fyrirspurnin hljóðar svo:
Hvernig skiptist búseta þeirra sem skipuð hafa verið í stjórnir, starfshópa, nefndir, ráð o.þ.h. á vegum ráðuneytisins og stofnana þess eftir sveitarfélögum?
Eftirfarandi upplýsingar taka mið af þeim stjórnum, starfshópum, nefndum, ráðum o.þ.h. sem eru starfandi á vegum forsætisráðuneytisins og heyra undir málefnasvið þess samkvæmt forsetaúrskurði um skiptingu stjórnarmálefna milli ráðuneyta í Stjórnarráði Íslands, nr. 6/2022. Við vinnslu svarsins var óskað eftir upplýsingum frá þeim stofnunum sem heyra stjórnarfarslega undir ráðuneytið samkvæmt forsetaúrskurðinum og byggist eftirfarandi svar jafnframt á upplýsingum sem ráðuneytið aflaði hjá þeim. Upplýsingarnar taka mið af skipuðum aðalmönnum og búsetu þeirra á þeim tíma er þeir hlutu skipun. Ekki eru tilgreindir starfshópar sem eingöngu hafa á að skipa starfsmönnum ráðuneytisins eða stofnana.
Forsætisráðuneyti.
Aðgerðahópur um launajafnrétti og jafnrétti á vinnumarkaði.
Af þeim níu einstaklingum sem skipa aðgerðahópinn eru átta búsettir í Reykjavík og einn í Hafnarfirði.
Almannavarna- og öryggismálaráð.
Kveðið er á um skipan almannavarna- og öryggismálaráðs í 4. gr. laga um almannavarnir, nr. 82/2008. Í ráðinu eiga sæti nánar tilteknir ráðherrar, ráðuneytisstjórar og forstöðumenn, stöðu sinnar vegna. Þess utan skipar forsætisráðherra tvo fulltrúa til setu í ráðinu samkvæmt tilnefningu Sambands íslenskra sveitarfélaga. Eru þeir báðir búsettir í Reykjavík.
Barnamenningarsjóður Íslands.
Af þeim fimm einstaklingum sem eiga sæti í stjórn Barnamenningarsjóðs Íslands búa fjórir í Reykjavík og einn á Akureyri.
Framkvæmdanefnd um endurgerð innviða Bessastaðakirkju.
Allir þrír nefndarmenn búa í Reykjavík.
Jafnréttisfulltrúahópur Stjórnarráðsins.
Af þeim tólf einstaklingum sem skipa hópinn búa níu í Reykjavík, einn í Kópavogi, einn á Seltjarnarnesi og einn er búsettur í Danmörku.
Jafnréttissjóður Íslands.
Af þeim þremur einstaklingum sem skipa stjórn Jafnréttissjóðs Íslands býr einn í Reykjavík, einn á Akureyri og einn í Þorlákshöfn.
Kærunefnd jafnréttismála.
Allir þrír nefndarmenn eru búsettir í Reykjavík.
Málnefnd Stjórnarráðsins.
Af þeim tíu einstaklingum sem eiga sæti í nefndinni búa sjö í Reykjavík, tveir á Seltjarnarnesi og einn er búsettur í Kópavogi.
Nefnd um greiningu á áfallastjórnun stjórnvalda vegna faraldursins af völdum COVID-19.
Allir þrír nefndarmenn búa í Reykjavík.
Nefnd til að undirbúa rannsókn á aðbúnaði og meðferð fullorðins fatlaðs fólks og fullorðinna með geðrænan vanda.
Allir þrír nefndarmenn búa í Reykjavík.
Nefnd um rýni fjárfestinga í þýðingarmiklum samfélagsinnviðum og tengdri starfsemi vegna þjóðaröryggis.
Af þeim sex einstaklingum sem eiga sæti í nefndinni búa tveir í Kópavogi, einn í Reykjavík, einn á Selfossi, einn í Hafnarfirði og einn er búsettur í Svíþjóð.
Orðunefnd.
Af þeim sex einstaklingum sem eiga sæti í nefndinni búa fimm í Reykjavík og einn á Dalvík.
Óbyggðanefnd.
Af þeim þremur einstaklingum sem eiga sæti í nefndinni búa tveir í Reykjavík og einn í Kópavogi.
Peningastefnunefnd.
Í 2. mgr. 9. gr. laga um Seðlabanka Íslands, nr. 92/2019, er kveðið á um skipan peningastefnunefndar, en þar eiga sæti seðlabankastjóri, varaseðlabankastjóri peningastefnu og varaseðlabankastjóri fjármálastöðugleika, stöðu sinnar vegna, auk tveggja sérfræðinga á sviði efnahags- og peningamála sem ráðherra skipar. Annar þeirra býr í Reykjavík en hinn í Danmörku.
Samstarfsnefnd um málefni þjóðlendna.
Af þeim sex einstaklingum sem eiga sæti í nefndinni búa þrír í Reykjavík, einn býr á Laugum, einn á Hellu og einn í Kópavogi.
Samstarfsvettvangur á milli ríkis og sveitarfélaga um heimsmarkmið Sameinuðu þjóðanna.
Af þeim sex einstaklingum sem taka þátt í samstarfsvettvanginum búa fimm í Reykjavík og einn í Garðabæ.
Sérfræðinefnd um breytingar á kynskráningu barna.
Allir þrír nefndarmenn eru búsettir í Reykjavík.
Starfshópur um mótun framtíðarstefnu Barnamenningarsjóðs Íslands.
Af þeim fimm einstaklingum sem skipa starfshópinn búa þrír í Reykjavík, einn í Garðabæ og einn í Reykjanesbæ.
Starfshópur um húsnæðismál.
Af þeim ellefu einstaklingum sem skipa starfshópinn búa sex í Reykjavík, tveir í Hafnarfirði, einn í Mosfellsbæ, einn í Grindavík og einn á Akranesi.
Starfshópur um launagagnsæi.
Af þeim níu einstaklingum sem eiga sæti í starfshópnum búa sex í Reykjavík, einn í Kópavogi, einn á Seltjarnarnesi og einn í Mosfellsbæ.
Starfshópur um mótun upplýsingastefnu stjórnvalda.
Allir þeir sjö einstaklingar sem eiga sæti í starfshópnum búa í Reykjavík.
Starfshópur um ritun nýrra laga um Vísinda- og nýsköpunarráð.
Af þeim fjórum einstaklingum sem eiga sæti í starfshópnum búa þrír í Reykjavík og einn í Kópavogi.
Stefnuráð Stjórnarráðs Íslands.
Af þeim ellefu einstaklingum sem eiga sæti í ráðinu búa þrír í Kópavogi, tveir í Reykjavík, einn í Garðabæ, einn á Selfossi, einn í Mosfellsbæ, einn í Þorlákshöfn, einn í Hafnarfirði og einn er búsettur á Seltjarnarnesi.
Stýrihópur Stjórnarráðsins um mannréttindi.
Af þeim þrettán einstaklingum sem eiga sæti í stýrihópnum búa sjö í Reykjavík, tveir í Kópavogi, tveir í Garðabæ, einn í Vogum og einn í Mosfellsbæ.
Stýrihópur um framkvæmd EES-samningsins.
Af þeim þrettán einstaklingum sem eiga sæti í stýrihópnum búa ellefu í Reykjavík, einn í Hafnarfirði og einn í Reykjanesbæ.
Stýrihópur um framfylgd þingsályktunar um forvarnir gegn kynferðislegu og kynbundnu ofbeldi og áreitni fyrir árin 2021–2025.
Af þeim sjö einstaklingum sem eiga sæti í stýrihópnum búa fimm í Reykjavík, einn í Kópavogi og einn á Akureyri.
Stýrihópur um skipulag við Stjórnarráðsreit.
Af þeim fjórum einstaklingum sem eiga sæti í stýrihópnum búa þrír í Reykjavík og einn í Hafnarfirði.
Stýrihópur um verkefnið Kynslóð jafnréttis.
Af þeim sjö einstaklingum sem eiga sæti í stýrihópnum búa fimm í Reykjavík og tveir á Seltjarnarnesi.
Stýrihópur um viðbyggingu við Stjórnarráðshúsið.
Af þeim fjórum einstaklingum sem eiga sæti í stýrihópnum búa þrír í Reykjavík og einn í Kópavogi.
Ungmennaráð heimsmarkmiða Sameinuðu þjóðanna.
Af þeim tólf einstaklingum sem skipa ungmennaráðið búa fjórir í Reykjavík, tveir í Kópavogi, einn á Akureyri, einn í Bolungarvík, einn á Selfossi, einn á Hellu, einn á Skagaströnd og einn í Reykjanesbæ.
Úrskurðarnefnd um upplýsingamál.
Allir þrír nefndarmenn eru búsettir í Reykjavík.
Verkefnastjórn um framkvæmd heimsmarkmiða Sameinuðu þjóðanna um sjálfbæra þróun.
Af þeim þrettán einstaklingum sem eiga sæti í verkefnastjórninni búa átta í Reykjavík, þrír í Garðabæ, einn í Mosfellsbæ og einn á Seltjarnarnesi.
Vísinda- og tækniráð.
Samkvæmt 3. gr. laga um Vísinda- og tækniráð, nr. 2/2003, skipar forsætisráðherra 16 menn í Vísinda- og tækniráð og jafnmarga til vara, þar af 14 samkvæmt tilnefningum þar tilgreindra aðila en tvo án tilnefningar. Auk þeirra eiga nánar tilteknir ráðherrar sæti í ráðinu stöðu sinnar vegna. Af þeim 16 einstaklingum sem ráðherra skipar samkvæmt framangreindu eru tólf búsettir í Reykjavík, einn býr á Seltjarnarnesi, einn í Garðabæ, einn á Hellu og einn er búsettur í Noregi.
Þjóðaröryggisráð.
Í ráðinu eiga sæti auk forsætisráðherra, ráðherra sem fer með utanríkis- og varnarmál og ráðherra sem fer með almannavarnir, auk ráðuneytisstjóra viðkomandi ráðuneyta og nánar tilgreindir embættismenn, sbr. 1. mgr. 3. gr. laga um þjóðaröryggisráð, nr. 98/2016. Þá eiga sæti í ráðinu fulltrúi Landsbjargar og tveir þingmenn, annar úr þingflokki sem skipar meiri hluta á þingi en hinn úr þingflokki minni hluta. Af þremur síðastgreindu fulltrúum ráðsins býr einn á Akureyri, einn í Suðurnesjabæ og einn í Reykjanesbæ.
Hagstofa Íslands.
Faghópur um verðvísitölur.
Í hópnum sitja aðilar frá ráðuneytum, háskólum, Seðlabanka Íslands, fyrirtækjum á fjármálamarkaði, samtökum á vinnumarkaði og öðrum hagsmunaaðilum. Mjög mismunandi er hverjir sækja fundi hópsins hverju sinni og því erfitt um vik að vita um búsetu þeirra.
Ráðgjafarnefnd um aðferðafræði.
Í nefndinni sitja aðilar frá raunvísindadeild Háskóla Íslands, viðskiptadeild Háskólans í
Reykjavík, Félagsvísindastofnun, hagfræðideild Háskóla Íslands, Seðlabanka Íslands og Íslenskri erfðagreiningu auk starfsfólks Hagstofu Íslands. Allir nefndarmann eru búsettir á höfuðborgarsvæðinu eftir bestu vitund.
Ráðgjafarnefnd um mannfjöldaspár.
Í nefndinni sitja þrír nefndarmenn auk starfsfólks Hagstofu Íslands. Allir nefndarmenn eru búsettir á höfuðborgarsvæðinu eftir bestu vitund.
Ráðgjafarnefnd um vinnumarkaðstölfræði.
Í nefndinni sitja tveir sérfræðingar frá Alþýðusambandi Íslands og tveir frá Samtökum atvinnulífsins, auk starfsfólks Hagstofu Íslands. Allir nefndarmenn eru búsettir á höfuðborgarsvæðinu eftir bestu vitund.
Ráðgjafarnefnd um vísitölu neysluverðs.
Allir fimm nefndarmenn eru búsettir á höfuðborgarsvæðinu.
Þá eru starfandi ýmsir notendahópar á vegum Hagstofu Íslands til að tryggja gæði hagtalna og skilja þarfir og væntingar notenda. Hagstofan flokkar notendur sína í eftirfarandi níu hópa: almenning, ferðaþjónustu, fjölmiðla, fyrirtæki, greiningaraðila, menningu og miðlun, rannsóknarsamfélagið, stjórnvöld og alþjóðastofnanir og aðra erlenda notendur.
Seðlabanki Íslands.
Fjórar nefndir og ráð eru starfandi á vegum Seðlabanka Íslands. Þar sitja 35 einstaklingar og búa 19 þeirra í Reykjavík, fjórir í Garðabæ, fjórir í Kópavogi, þrír í Hafnarfirði, tveir í Mosfellsbæ, einn á Seltjarnarnesi, einn á Akureyri og loks er einn búsettur í Mývatnssveit.
Umboðsmaður barna.
Á vegum embættisins er starfandi ráðgjafarhópur umboðsmanns barna en í hópnum eru skráð 25 ungmenni, þar á meðal átta sem búa utan höfuðborgarsvæðisins.
Eftirfarandi mynd sýnir hlutfall nefndarmanna búsettra á höfuðborgarsvæðinu, landsbyggðinni og erlendis.
Hér er efni sem sést aðeins í pdf-skjalinu.