Ferill 488. máls. Aðrar útgáfur af skjalinu: PDF - Word Perfect.
152. löggjafarþing 2021–2022.
Þingskjal 999 — 488. mál.
Svar
félags- og vinnumarkaðsráðherra við fyrirspurn frá Ásthildi Lóu Þórsdóttur um kærur til úrskurðarnefndar velferðarmála vegna húsnæðismála.
1. Hversu margar kærur bárust úrskurðarnefnd velferðarmála vegna ákvarðana Húsnæðis- og mannvirkjastofnunar eða, eftir atvikum, Íbúðalánasjóðs eða Húsnæðissjóðs frá ársbyrjun 2016 til ársloka 2021, sundurliðað eftir árum?
2016 bárust 8 kærur.
2017 bárust 9 kærur.
2018 bárust 8 kærur.
2019 bárust 10 kærur.
2020 bárust 26 kærur.
2021 bárust 14 kærur.
2. Hversu margar af þeim kærum voru vegna ákvarðana í málum á grundvelli:
a. laga um húsnæðismál, nr. 44/1998,
b. laga um almennar íbúðir, nr. 52/2016,
c. laga um húsnæðisbætur, nr. 75/2016,
sundurliðað eftir árum?
a. 2016 bárust 7 kærur á grundvelli laga um húsnæðismál.
2017 bárust 9 kærur á grundvelli laga um húsnæðismál.
2018 bárust 4 kærur á grundvelli laga um húsnæðismál.
2019 bárust 5 kærur á grundvelli laga um húsnæðismál.
2020 bárust 6 kærur á grundvelli laga um húsnæðismál.
2021 bárust 6 kærur á grundvelli laga um húsnæðismál.
b. Á tímabilinu frá ársbyrjun 2016 til ársloka 2021 barst einungis ein kæra á grundvelli laga um almennar íbúðir og var það á árinu 2020.
c. 2016 bárust 6 kærur.*
2017 bárust 6 kærur.*
2018 bárust 4 kærur.
2019 bárust 5 kærur.
2020 bárust 19 kærur.
2021 bárust 8 kærur.
*Kærur sem bárust úrskurðarnefnd velferðarmála á árunum 2016 og 2017 vegna húsaleigumála voru vegna ákvarðana sveitarfélaga á grundvelli laga nr. 138/1997, um húsaleigubætur.
3. Hversu mörgum umræddra kærumála var vísað frá á þeim grundvelli að viðkomandi stofnun tók mál kæranda til skoðunar á ný á meðan nefndin var með málið til umfjöllunar, sundurliðað eftir árum?
Engu kærumáli var vísað frá á þessum grundvelli á þeim árum sem um ræðir.
4. Hver var meðalmálsmeðferðartími umræddra kærumála, þ.e. frá því að kæra barst og þar til úrskurður lá fyrir, sundurliðað eftir árum, að undanskildum málum sem var vísað frá á þeim grundvelli að kæra barst eftir að kærufrestur rann út?
Málsmeðferðartími mála sem úrskurðað var í árið 2016 var 4,9 mánuðir.
Málsmeðferðartími mála sem úrskurðað var í árið 2017 var 3,6 mánuðir.
Málsmeðferðartími mála sem úrskurðað var í árið 2018 var 3,6 mánuðir.
Málsmeðferðartími mála sem úrskurðað var í árið 2019 var 2,4 mánuðir.
Málsmeðferðartími mála sem úrskurðað var í árið 2020 var 3,6 mánuðir.
Málsmeðferðartími mála sem úrskurðað var í árið 2021 var 3 mánuðir.
5. Í hversu mörgum umræddra kærumála var málsmeðferðartími hjá nefndinni lengri en þrír mánuðir, sundurliðað eftir árum?
2016 var málsmeðferðartími í 100% mála lengri en þrír mánuðir.
2017 var málsmeðferðartími í 50% mála lengri en þrír mánuðir.
2018 var málsmeðferðartími í 85% mála lengri en þrír mánuðir.
2019 var málsmeðferðartími í 17% mála lengri en þrír mánuðir.
2020 var málsmeðferðartími í 64% mála lengri en þrír mánuðir.
2021 var málsmeðferðartími í 58% mála lengri en þrír mánuðir.
6. Hversu oft hefur Húsnæðis- og mannvirkjastofnun eða, eftir atvikum, forveri hennar Íbúðalánasjóður eða Húsnæðissjóður höfðað dómsmál til að fá úrskurði úrskurðarnefndar velferðarmála hnekkt, sundurliðað eftir árum og á grundvelli hvaða laga hin kærða ákvörðun var tekin?
Samkvæmt upplýsingum Húsnæðis- og mannvirkjastofnunar hefur hvorki stofnunin, forveri hennar né Húsnæðissjóður höfðað dómsmál til þess að fá hnekkt úrskurði nefndarinnar vegna ákvarðana um húsnæðismál.
