Ferill 604. máls. Aðrar útgáfur af skjalinu: PDF - Word Perfect.
152. löggjafarþing 2021–2022.
Þingskjal 1104 — 604. mál.
Svar
mennta- og barnamálaráðherra við fyrirspurn frá Hildu Jönu Gísladóttur um námsefnisgerð fyrir framhaldsskóla.
1. Hversu mikið fjármagn hefur verið veitt í námsefnisgerð fyrir framhaldsskóla á árunum 2016–2021, annars vegar fyrir stúdentsbrautir og hins vegar fyrir iðn- og starfsnám?
Þróunarsjóður námsgagna veitir styrki til námsefnisgerðar fyrir framhaldsskóla. Sjóðurinn starfar samkvæmt lögum um námsgögn, nr. 71/2007, og reglugerð um þróunarsjóð námsgagna, nr. 1268/2007. Samkvæmt upplýsingum frá Rannís, sem fer með umsýslu sjóðsins, var fjármagn sem veitt var í námsefnisgerð fyrir framhaldsskóla á árunum 2016–2021, annars vegar fyrir stúdentsbrautir og hins vegar fyrir iðn- og starfsnám, eftirfarandi:
| Ár | Stúdentsbrautir | Iðn- og starfsnám |
| 2021 | 18.679.000 kr. | 6.000.000 kr. |
| 2020 | 9.500.000 kr. | 8.000.000 kr. |
| 2019 | 5.450.000 kr. | 8.000.000 kr. |
| 2018 | 22.762.000 kr. | 4.000.000 kr. |
| 2017 | 5.099.000 kr. | 1.400.000 kr. |
| 2016 | 17.162.000 kr. | 6.850.000 kr. |
Árið 2019 veitti mennta- og menningarmálaráðuneyti styrk að upphæð 5.000.000 kr. til tilraunaútgáfu á námsefni á vefbókarformi fyrir iðn- og verknám.
2. Hversu mikið fjármagn hefur verið veitt í námsefnisgerð fyrir framhaldsskóla á árunum 2016–2021 fyrir nemendur með annað móðurmál en íslensku?
Fjármagn sem veitt var í námsefnisgerð fyrir nemendur með annað móðurmál en íslensku í framhaldsskólum á árunum 2016–2021 var eftirfarandi samkvæmt upplýsingum frá Rannís:
| Ár | Nemendur með annað móðurmál en íslensku |
| 2021 | 8.000.000 kr. |
| 2020 | 900.000 kr. |
| 2019 | 0 kr. |
| 2018 | 1.960.000 kr. |
| 2017 | 1.750.000 kr. |
| 2016 | 0 kr. |
