Ferill 275. máls. Aðrar útgáfur af skjalinu: PDF - Word Perfect.


153. löggjafarþing 2022–2023.
Þingskjal 278  —  275. mál.




Frumvarp til laga


um breytingu á tollalögum, nr. 88/2005 (franskar kartöflur).

Flm.: Jóhann Páll Jóhannsson.


1. gr.

    Eftirfarandi breytingar verða á 20. kafla tollskrár í viðauka I við lögin:
              a.      A-tollur tollskrárnúmersins 2004.1002 verður 0%.
              b.      A-tollur tollskrárnúmersins 2005.2002 verður 0%.

2. gr.

    Lög þessi öðlast þegar gildi.

Greinargerð.

    Franskar kartöflur bera 76% toll, sem er hæsti prósentutollur á matvöru í íslensku tollskránni. Samkvæmt fríverslunarsamningum við Kanada og Evrópusambandið eru franskar kartöflur þaðan fluttar inn á lægri tolli, eða 46%, og veldur því að neytendur greiða hærra verð fyrir vöruna sem því nemur. Hinn 24. ágúst sl. birtist frétt þess efnis að Þykkvabæjar ehf. hefði hætt framleiðslu á frönskum kartöflum. Þar með hefur framleiðslu á frönskum kartöflum á Íslandi verið hætt og standa því engin rök lengur til slíkrar tollverndar. Er því lagt til að innflutningstollur á franskar kartöflur verði afnuminn neytendum og fyrirtækjum til heilla.