Ferill 171. máls. Aðrar útgáfur af skjalinu: PDF - Word Perfect.
153. löggjafarþing 2022–2023.
Þingskjal 389 — 171. mál.
Svar
heilbrigðisráðherra við fyrirspurn frá Ingibjörgu Isaksen um endurgreiðslu flugferða vegna heilbrigðisþjónustu innan lands.
1. Hversu margir einstaklingar nýttu sér endurgreiðslu flugferða vegna heilbrigðisþjónustu innan lands á árunum 2018–2021?
Fjöldi einstaklinga hvert ár sem spurt er um kemur fram í töflu hér fyrir neðan.
| Ár | Fjöldi einstaklinga |
| 2018 | 3.244 |
| 2019 | 3.390 |
| 2020 | 2.583 |
| 2021 | 3.048 |
2. Hversu margir af þessum einstaklingum sóttu um endurgreiðslu á tveimur ferðum og hversu margir sóttu aðeins um endurgreiðslu á einni ferð?
Gagnagrunnur Sjúkratrygginga Íslands (SÍ) gefur ekki kost á svari nákvæmlega samkvæmt orðalagi spurningarinnar. Í töflu hér fyrir neðan kemur fram fjöldi einstaklinga sem fengu heimild til að fara tvær langar ferðir á ári. Ekki sést í gögnum hvort allir hafi nýtt heimildina að fullu. Löng ferð er samkvæmt skilgreiningu í reglugerð nr. 1140/2019 ferð þar sem vegalengd er lengri en 20 km.
| Fjöldi einstaklinga | Ár | |||
| Heimildir vegna ferðakostnaðar | 2018 | 2019 | 2020 | 2021 |
| Tvær langar ferðir á 12 mán. tímabili | 2.038 | 2.183 | 1.618 | 1.984 |
3. Hversu margir einstaklingar fengu endurgreiðslu á fleiri en tveimur ferðum?
Í gögnum SÍ má sjá fjölda einstaklinga sem hafa heimild til að fara fleiri en tvær ferðir á 12 mánaða tímabili, en heimildin er ekki nærri því alltaf nýtt að fullu og ferðirnar því ekki alltaf fleiri en tvær. Sami aðili getur átt rétt á bæði ítrekuðum löngum og ítrekuðum stuttum ferðum.
| Fjöldi einstaklinga | Ár |
|||
| Heimildir vegna ferðakostnaðar | 2018 | 2019 | 2020 | 2021 |
| Ítrekaðar langar ferðir | 1.268 | 1.255 | 970 | 1.119 |
| Ítrekaðar langar og stuttar ferðir | 31 | 41 | 30 | 24 |
4. Hver er heildarkostnaður við endurgreiðslu flugferða vegna heilbrigðisþjónustu innan lands hvert ár fyrir sig?
Í töflu hér fyrir neðan kemur fram fjöldi flugferða og einstaklinga ásamt heildarkostnaði SÍ og einstaklinga og hlutfall heildarkostnaðar sem einstaklingar greiða.
| Ár | Flug* | Fjöldi einstaklinga | Hluti SÍ m.kr. | Hluti einstaklinga | Hluti einstaklinga af heildarkostnaði |
| 2018 | 9.276 | 3.244 | 220,2 | 8,0 | 3,5% |
| 2019 | 9.484 | 3.390 | 249,7 | 8,3 | 3,2% |
| 2020 | 6.666 | 2.583 | 175,3 | 5,7 | 3,1% |
| 2021 | 8.152 | 3.048 | 193,9 | 7,2 | 3,6% |
*Misjafnt er hvort á reikningi sé eitt flug eða flug fram og til baka.
