Ferill 195. máls. Aðrar útgáfur af skjalinu: PDF - Word Perfect.
153. löggjafarþing 2022–2023.
Þingskjal 601 — 195. mál.
Svar
mennta- og barnamálaráðherra við fyrirspurn frá Berglindi Ósk Guðmundsdóttur um kostnað við útgáfu námsgagna.
1. Hver er árlegur sundurliðaður kostnaður við útgáfu námsgagna á vegum Menntamálastofnunar frá árinu 2015?
Menntamálastofnun er skipt niður í þrjú svið og eitt þeirra, miðlunarsvið, sér um útgáfu námsgagna. Kostnaður sviðsins án sértekna, vöruhýsingar og dreifingar er aðgengilegur frá og með bókhaldsárinu 2016 og er eftirfarandi:
Ár | Kostnaður millj. kr. | |
2016 | 354,9 | |
2017 | 347,2 | |
2018 | 338,2 | |
2019 | 329,6 | |
2020 | 337,9 | |
2021 | 345,4 | |
2022 | 328,7 | (áætlun) |
2. Hefur ráðherra látið framkvæma hagkvæmnisathugun vegna útgáfu námsgagna frá árinu 2015?
Ekki hefur verið framkvæmd hagkvæmnisathugun vegna útgáfu námsgagna frá árinu 2015.