Ferill 409. máls. Aðrar útgáfur af skjalinu: PDF - Word Perfect.

---

153. löggjafarþing 2022–2023.

2. uppprentun.

Þingskjal 781  —  409. mál.

3. umræða.

Breytingartillaga

við frumvarp til fjáraukalaga fyrir árið 2022, sbr. lög nr. 72/2022.

Frá Ingu Sæland.

		Skv. frv. m.kr.	Breyting m.kr.	Samtals m.kr.
Breytingar á sundurliðun 1:
1.	Við bætist nýtt málefnasvið og nýr málaflokkur: 28 Málefni aldraðra 28.30 Þjónusta við aldraða og aðrar greiðslur, óta.
	07 Félags- og vinnumarkaðsráðuneyti
	a.     Rekstrartilfærslur		126,0	126,0
	b.      Framlag úr ríkissjóði		126,0	126,0
32 Lýðheilsa og stjórnsýsla velferðarmála
2.	Við 32.40 Stjórnsýsla félagsmála
	07 Félags- og vinnumarkaðsráðuneyti
	a.     Rekstrarframlög	51,2	149,0	200,2
	b.      Framlag úr ríkissjóði	51,2	149,0	200,2
34 Almennur varasjóður og sértækar fjárráðstafanir
3.	Við 34.20 Sértækar fjárráðstafanir
	09 Fjármála- og efnahagsráðuneyti
	a.     Rekstrarframlög	5.981,0	-5.981,0	0,0
	b.      Framlag úr ríkissjóði	5.981,0	-5.981,0	0,0

Greinargerð.

    Lagt er til að hækka framlög á málefnasviði 28 svo að greiða megi 60.300 kr. eingreiðslu í desember til ellilífeyrisþega sem fá greiddan óskertan ellilífeyri almannatrygginga, þ.e. hafa lægri tekjur en sem nemur frítekjumörkum 3. og 4. málsl. 1. mgr. 23. gr. laga um almannatryggingar á ársgrundvelli. Samkvæmt upplýsingum frá Tryggingastofnun ríkisins tekur tillagan til 2.080 einstaklinga. Í þeim hóp eru 1.032 öryrkjar, sem fá nú ellilífeyri í stað örorkulífeyris. Rétt er að taka fram að tillagan nær ekki til fólks sem dvelur í hjúkrunarrýmum enda fellur ellilífeyrir þeirra niður eftir 6 mánaða dvöl þar, sbr. 21. gr. laga um málefni aldraðra og 48. gr. laga um almannatryggingar. Gert er ráð fyrir að lögð verði til breyting á lögum um almannatryggingar til að tryggja að þessi viðbótargreiðsla verði skattfrjáls og hafi ekki áhrif á aðrar greiðslur til ellilífeyrisþega.
    Þá er lögð til til hækkun á framlögum á málefnasviði 32 til að styrkja hjálparstofnanir sem úthluta matargjöfum.
    Loks er lagt til að lækka fjárfestingarframlög um 5.981 m. kr. og falla frá kaupum ríkisins á höfuðstöðvum Landsbankans við Austurbakka.