Ferill 591. máls. Aðrar útgáfur af skjalinu: PDF - Word Perfect.
153. löggjafarþing 2022–2023.
Þingskjal 891 — 591. mál.
Fyrirspurn
til heilbrigðisráðherra um fjölda skurðhjúkrunarfræðinga í skurðaðgerðum.
Frá Diljá Mist Einarsdóttur.
1. Hverjar eru helstu ástæður þess að skurðstofur standa tómar á Landspítala?
2. Hver stýrir mönnun skurðstofa og skipulagi starfsemi skurðstofa á:
a. Landspítala,
b. öðrum vinnustöðum á Íslandi þar sem skurðaðgerðir eru framkvæmdar,
c. sambærilegum sjúkrahúsum á Norðurlöndum, t.d. Karólínska sjúkrahúsinu í Stokkhólmi?
3. Hvaða reglur gilda um fjölda skurðhjúkrunarfræðinga í hverri skurðaðgerð á:
a. Landspítala,
b. öðrum vinnustöðum á Íslandi þar sem skurðaðgerðir eru framkvæmdar,
c. sambærilegum sjúkrahúsum á Norðurlöndum, t.d. Karólínska sjúkrahúsinu í Stokkhólmi?
4. Hvað eru að jafnaði margir skurðhjúkrunarfræðingar í hverri skurðaðgerð á:
a. Landspítala,
b. öðrum vinnustöðum á Íslandi þar sem skurðaðgerðir eru framkvæmdar,
c. sambærilegum sjúkrahúsum á Norðurlöndum, t.d. Karólínska sjúkrahúsinu í Stokkhólmi?
5. Er hægt að nýta krafta skurðhjúkrunarfræðinga betur á fleiri skurðstofum á Landspítala? Ef svo er, í hvaða aðgerðum helst? Hvenær þarf að bæta mönnun annarra heilbrigðisstétta eða sérþjálfaðs starfsfólks á móti?
6. Vinnur Landspítali og/eða ráðuneytið að því að bæta mönnun annarra stétta eða sérþjálfaðs starfsfólks á skurðstofum?
7. Er til tölfræði sem sýnir nýtingu skurðstofa hjá:
a. Landspítala,
b. öðrum vinnustöðum á Íslandi þar sem skurðaðgerðir eru framkvæmdar,
c. sambærilegum sjúkrahúsum á Norðurlöndum, t.d. Karólínska sjúkrahúsinu í Stokkhólmi?
8. Hvaða áhrif hefur stytting vinnuviku í síðasta kjarasamningi haft á framleiðni skurðstofa Landspítalans og annarra vinnustaða á Íslandi þar sem skurðaðgerðir eru framkvæmdar?
Skriflegt svar óskast.
