Ferill 400. máls. Aðrar útgáfur af skjalinu: PDF - Word Perfect.
153. löggjafarþing 2022–2023.
Þingskjal 946 — 400. mál.
Svar
félags- og vinnumarkaðsráðherra við fyrirspurn frá Gísla Rafni Ólafssyni um vinnumiðlunarnet Evrópu (EURES).
1. Hversu margir Íslendingar hafa sótt um störf og skráð sig á vinnumiðlunarnet Evrópu (EURES) hvert ár frá 2010 til 2022?
Upplýsingar um hve margir Íslendingar hafa sótt um störf og skráð sig hjá EURES, vinnumiðlun á Evrópska efnahagssvæðinu, liggja hvorki fyrir hjá félags- og vinnumarkaðsráðuneytinu né hjá Vinnumálastofnun.
2. Hversu mörg íslensk fyrirtæki hafa auglýst störf og hversu margir starfsmenn hafa verið ráðnir í gegnum vinnumiðlunarnet Evrópu (EURES) hvert ár frá 2010 til 2022?
Í meðfylgjandi töflu má sjá fjölda íslenskra fyrirtækja sem hafa auglýst störf með milligöngu EURES, vinnumiðlunar á Evrópska efnahagssvæðinu, sem og hve margir starfsmenn hafa verið ráðnir með milligöngu vinnumiðlunarinnar, greint eftir árum á tímabilinu 2010 til 2022. Um er að ræða upplýsingar sem eru fyrirliggjandi hjá Vinnumálastofnun en stofnunin heldur utan um tölulegar upplýsingar í þessu sambandi.
Í ljósi þess hve skammt er liðið frá síðustu áramótum liggja enn ekki fyrir hjá Vinnumálastofnun upplýsingar um fjölda ráðninga á árinu 2022. Þá liggja ekki fyrir endanlegar tölur um fjölda ráðninga á árinu 2010 þar sem skráningar hvað það varðar eru óáreiðanlegar og því ekki unnt að birta áreiðanlegar tölur um heildarfjölda ráðninga á því ári með milligöngu EURES, vinnumiðlunar á Evrópska efnahagssvæðinu.
Fjöldi fyrirtækja | Fjöldi ráðninga | |
2010 | 30 | |
2011 | 70 | 50 |
2012 | 50 | 35 |
2013 | 70 | 30 |
2014 | 55 | 50 |
2015 | 114 | 87 |
2016 | 178 | 268 |
2017 | 212 | 241 |
2018 | 148 | 132 |
2019 | 127 | 66 |
2020 | 73 | 27 |
2021 | 107 | 33 |
2022 | 205 |