Ferill 763. máls. Aðrar útgáfur af skjalinu: PDF - Word Perfect.
153. löggjafarþing 2022–2023.
Þingskjal 1156 — 763. mál.
Fyrirspurn
til forseta Alþingis um ráðningu starfsfólks með skerta starfsorku.
Frá Ásmundi Friðrikssyni.
1. Hver er stefna Alþingis er varðar ráðningu starfsfólks með skerta starfsorku? Liggur sú stefna fyrir opinberlega og ef svo er ekki, hvaða ástæður liggja þar að baki?
2. Hefur Alþingi beitt sér fyrir því að stofnanir þess móti skýra stefnu við ráðningu starfsfólks með skerta starfsorku? Ef ekki, hvers vegna ekki?
3. Hafa Alþingi og stofnanir þess sett sér tölusett markmið varðandi fjölda starfa sem henta einstaklingum með skerta starfsorku? Ef ekki, mun forseti beita sér fyrir slíkri stefnumótun?
4. Hversu margt starfsfólk með skerta starfsorku er í hlutastarfi eða fullu starfi hjá Alþingi og stofnunum þess? Svar óskast sundurliðað eftir stofnunum.
5. Liggur fyrir mat á því hversu mörg störf eða hlutastörf, sem henta einstaklingum með skerta starfsorku, geti verið hjá Alþingi eða stofnunum þess? Svar óskast sundurliðað eftir stofnunum.
Skriflegt svar óskast.
