Ferill 259. máls. Aðrar útgáfur af skjalinu: PDF - Word Perfect.
154. löggjafarþing 2023–2024.
Þingskjal 262 — 259. mál.
Fyrirspurn
til umhverfis-, orku- og loftslagsráðherra um markmið stjórnvalda um kolefnishlutleysi fyrir Ísland árið 2040.
Frá Þorbjörgu Sigríði Gunnlaugsdóttur.
1. Hvað felst í markmiði stjórnvalda um kolefnishlutleysi fyrir Ísland árið 2040? Hvaða losun fellur þar undir og hver er hún nú í kílótonnum CO2-ígilda?
2. Þarf nettó-losun frá hverjum af fimm yfirflokkum milliríkjanefndar Sameinuðu þjóðanna um loftslagsmál (IPCC), þ.e. Orka; Iðnaður og efnanotkun; Landbúnaður; Úrgangur; Landnotkun, breytt landnotkun og skógrækt (LULUCF), að vera núll til þess að Ísland teljist kolefnishlutlaust árið 2040?
3. Verður losun frá LULUCF undanskilin markmiði Íslands um kolefnishlutleysi árið 2040 og ef svo er, hvers vegna?
4. Verður losun frá alþjóðasamgöngum undanskilin markmiði Íslands um kolefnishlutleysi árið 2040 og ef svo er, hvers vegna?
5. Verður losun frá starfsemi sem fellur undir losunarheimildakerfi Evrópusambandsins (ETS) undanskilin markmiði Íslands um kolefnishlutleysi árið 2040 og ef svo er, hvers vegna?
6. Telur ráðherra ástæðu til að auka gagnsæi með því að skilgreina nákvæmlega hvaða losunarflokkar liggja til grundvallar markmiðinu í lögum um loftslagsmál, nr. 70/2012, í ljósi þess að mismunandi ríki skilgreina fyrrgreint markmið á mismunandi hátt með tilliti til umfangs?
Skriflegt svar óskast.
