Ferill 613. máls. Aðrar útgáfur af skjalinu: PDF - Word Perfect.
154. löggjafarþing 2023–2024.
Þingskjal 919 — 613. mál.
Fyrirspurn
til menningar- og viðskiptaráðherra um eftirlit með fjárhagsupplýsingastofum.
Frá Ásmundi Friðrikssyni.
1. Hvaða opinbert eftirlit er með starfsemi fjárhagsupplýsingastofa á borð við Creditinfo?
2. Hvað greiddi ríkissjóður, fyrir hönd ráðuneyta, háar upphæðir á árunum 2021–2023 fyrir fjárhagsupplýsingar um einstaklinga og fyrirtæki?
3. Hver hefur með höndum eftirlit með því að líkan það sem fjárhagsupplýsingastofur eins og Creditinfo nýtir til að reikna út lánshæfismat landsmanna sé byggt á faglegri og viðurkenndri aðferðafræði?
4. Telur ráðherra að fullnægjandi eftirlit sé haft með því að líkön fjárhagsupplýsingastofa, líkt og Creditinfo nýtir, séu byggð á faglegri og viðurkenndri aðferðafræði?
5. Hyggst ráðherra beita sér fyrir því að efla eftirlit og stuðla að því að sambærileg atvik og Creditinfo var sektað fyrir í júlí 2023 endurtaki sig ekki?
6. Telur ráðherra að með breytingum á lánshæfismati 23. október sl. þar sem greiðslusaga lántakenda var færð aftur um tíma hafi Creditinfo gert lánastofnunum kleift að bjóða viðskiptavinum sínum upp á lakari lánskjör en annars hefði verið?
7. Telur ráðherra að framangreindar breytingar hafi verið nauðsynlegar í þágu neytenda?
8. Telur ráðherra nauðsynlegt að fjármálastofnanir óski eftir fjárhagsupplýsingum frá fjárhagsupplýsingastofu um umsækjendur um lán við alla lántöku þeirra?
Skriflegt svar óskast.
