Ferill 947. máls. Aðrar útgáfur af skjalinu: PDF - Word Perfect.
154. löggjafarþing 2023–2024.
Þingskjal 1408 — 947. mál.
Fyrirspurn
til fjármála- og efnahagsráðherra um ástandsskoðun húseigna.
Frá Gísla Rafni Ólafssyni.
1. Hvaða verkferlar eru skilgreindir hjá Náttúruhamfaratryggingu Íslands fyrir ástandsskoðun húseigna sem hafa orðið fyrir skemmdum af völdum náttúruhamfara?
2. Hvaða þjálfun í að fylgja þessum verkferlum og menntun hafa þeir sem gera ástandsskoðun fyrir hönd Náttúruhamfaratryggingar Íslands hlotið?
3. Samkvæmt þeim verkferlum sem skilgreindir eru, hvaða upplýsingar eiga að koma fram í ástandsskýrslum?
4. Samkvæmt þeim verkferlum sem skilgreindir eru, hversu margir tjónamatsmenn gera ástandsskoðun á hverri húseign?
5. Samkvæmt þeim verkferlum sem skilgreindir eru, hvernig er kostnaður vegna skemmda metinn?
6. Samkvæmt þeim verkferlum sem skilgreindir eru, eru hæðar- og hallamælingar gerðar í öllum herbergjum húsa eða einungis í hluta þeirra?
7. Samkvæmt þeim verkferlum sem skilgreindir eru, hvernig er sig á botnplötum metið?
8. Samkvæmt þeim verkferlum sem skilgreindir eru, hvernig eru skemmdir á burðarvirki metnar?
Skriflegt svar óskast.
