Ferill 864. máls. Aðrar útgáfur af skjalinu: PDF - Word Perfect.
154. löggjafarþing 2023–2024.
Þingskjal 1849 — 864. mál.
2. umræða.
Breytingartillaga
við frumvarp til laga um breytingu á ýmsum lögum vegna endurskoðunar örorkulífeyriskerfis almannatrygginga.
Frá meiri hluta velferðarnefndar (SÞÁ, ÁsF, BHar, LRS, LínS, ÓBK).
1. Við 3. gr.
a. Orðin „skv. 1. mgr.“ í 2. málsl. 4. mgr. a-liðar falli brott.
b. Í stað „3.420.000 kr.“ í 1. málsl. 6. mgr. b-liðar komi: 3.739.200 kr.
c. Á eftir 1. málsl. 3. mgr. c-liðar komi nýr málsliður, svohljóðandi: Matið skal m.a. byggjast á þáttum sem lúta að færni, aðstæðum (umhverfis- og einstaklingsbundnum þáttum) og heilsu í víðum skilningi.
d. 2. málsl. 3. mgr. c-liðar orðist svo: Þá skal stofnunin afla annarra nauðsynlegra gagna og upplýsinga, í samræmi við V. kafla, eftir því sem við á og óska eftir umsögnum sérfræðinga ef þörf er á.
e. Á undan orðunum „í umboði þjónustuaðilans“ í 1. málsl. 2. mgr. d-liðar komi: sem veitir þjónustu.
f. Í stað orðanna „og hvernig meðferð þeirra skuli háttað“ í h-lið komi: hvernig meðferð þeirra skuli háttað og hvenær þeim beri að eyða.
2. 1. málsl. 2. mgr. 10. gr. orðist svo: Til að Tryggingastofnun sé unnt að gegna skyldum sínum skv. 1. mgr. skal stofnunin, þegar það á við, gera nauðsynlegar upplýsingar aðgengilegar öðrum þjónustuaðilum í gegnum sameiginlega þjónustugátt aðilanna og stofnunarinnar, sbr. 28. gr., þ.m.t. þær sem viðkvæmar geta talist, svo sem heilsufarsupplýsingar, og upplýsingar um félagslegar aðstæður þess einstaklings sem í hlut á hverju sinni.
3. Við 12. gr.
a. Á eftir 16. tölul. komi nýr töluliður, svohljóðandi: Ákvæði 16. tölul. gildir eftir því sem við á um þá sem fá greiddan endurhæfingarlífeyri ásamt sérstakri uppbót á lífeyri vegna framfærslu samkvæmt þágildandi 2. mgr. 9. gr. laga um félagslega aðstoð 31. ágúst 2025 en þó einungis út gildistíma endurhæfingartímabils sem samþykkt var fyrir 1. september 2025.
b. Í stað orðanna „árslok 2026“ í 2. mgr. 17. tölul. komi: 1. september 2025.
c. Á eftir orðunum „þriggja til fimm sérfræðinga“ í 1. málsl. 2. mgr. 17. tölul. komi: og skal einn tilnefndur sameiginlega af hagsmunasamtökum fatlaðs fólks.
d. Á eftir orðunum „árangur af“ í 2. málsl. 2. mgr. 17. tölul. komi: samþættu sérfræðimati og.
e. Á eftir orðunum „Starfshópurinn getur“ í 3. málsl. 2. mgr. 17. tölul. komi: á starfstíma sínum.
4. Á eftir b-lið 17. gr. komi nýr stafliður, svohljóðandi: Í stað orðsins „lífeyrisþega“ í 2. málsl. 3. mgr. kemur: greiðsluþega.
5. 1. málsl. 2. mgr. 22. gr. orðist svo: Til að Vinnumálastofnun sé unnt að gegna skyldum sínum skv. 1. mgr. skal stofnunin, þegar það á við, gera nauðsynlegar upplýsingar aðgengilegar öðrum þjónustuaðilum í gegnum sameiginlega þjónustugátt kerfanna og Tryggingastofnunar, sbr. 28. gr. laga um almannatryggingar, nr. 100/2007, þ.m.t. þær sem viðkvæmar geta talist, svo sem heilsufarsupplýsingar, og upplýsingar um félagslegar aðstæður þess einstaklings sem í hlut á hverju sinni.
6. Við b-lið 23. gr.
a. Á eftir 1. málsl. 1. mgr. komi tveir nýir málsliðir, svohljóðandi: Taki atvinnuleitandi að sér tilfallandi vinnu er ekki greiddur virknistyrkur fyrir þá daga sem vinnan stendur yfir. Til að finna út virknistyrk fyrir hvern dag skal miða við 30 daga í mánuði.
b. Við bætist ný málsgrein, svohljóðandi:
Leiði samþætt sérfræðimat skv. 8. mgr. 25. gr. laga um almannatryggingar í ljós að hlutaörorkulífeyrisþegi eigi áfram rétt til hlutaörorkulífeyris hefst nýtt tímabil skv. 1. mgr.
7. Við III. kafla bætist ný grein, svohljóðandi:
Við lögin bætist nýtt ákvæði til bráðabirgða, svohljóðandi:
Ráðherra skal fyrir 31. desember 2028 leggja mat á áhrif virknistyrks á stöðu hlutaörorkulífeyrisþega á vinnumarkaði. Skal við matið horft til þess hvernig fólki sem hefur fengið greiddan virknistyrk reiðir af á vinnumarkaði og hvort grípa þurfi til frekari vinnumarkaðsaðgerða. Þá verði jafnframt skoðað hvernig aðstæður einstaklinga hafa verið metnar heildstætt.
8. Við IV. kafla bætist ný grein, svohljóðandi:
Við 35. gr. laganna bætist ný málsgrein, svohljóðandi:
Í því skyni að heilsugæslustöðvum sé unnt að gegna skyldum sínum í samstarfi við önnur þjónustukerfi um endurhæfingu einstaklinga skulu þær, þegar það á við, gera nauðsynlegar upplýsingar aðgengilegar öðrum þjónustuaðilum í gegnum sameiginlega þjónustugátt þjónustukerfa, sbr. 28. gr. laga um almannatryggingar, nr. 100/2007, þ.m.t. þær sem viðkvæmar geta talist, svo sem heilsufarsupplýsingar og upplýsingar um félagslegar aðstæður þess einstaklings sem í hlut á hverju sinni. Heilsugæslustöðvum ber að upplýsa hlutaðeigandi einstaklinga um fyrirhugaða vinnslu persónuupplýsinga í samræmi við 2. mgr. 17. gr. laga um persónuvernd og vinnslu persónuupplýsinga, nr. 90/2018, sbr. 14. gr. reglugerðar Evrópuþingsins og ráðsins (ESB) 2016/67.
9. 1. málsl. 2. mgr. 25. gr. orðist svo: Til að sveitarfélögum sé unnt að gegna skyldum sínum skv. 1. mgr. skulu þau, þegar það á við, gera nauðsynlegar upplýsingar aðgengilegar öðrum þjónustuaðilum í gegnum sameiginlega þjónustugátt kerfanna og Tryggingastofnunar, sbr. 28. gr. laga um almannatryggingar, nr. 100/2007, þ.m.t. þær sem viðkvæmar geta talist, svo sem heilsufarsupplýsingar, og upplýsingar um félagslegar aðstæður þess einstaklings sem í hlut á hverju sinni.
10. 1. málsl. 2. mgr. 27. gr. orðist svo: Til að starfsendurhæfingarsjóði sé unnt að gegna skyldum sínum skv. 1. mgr. skal sjóðurinn, þegar það á við, gera nauðsynlegar upplýsingar aðgengilegar öðrum þjónustuaðilum í gegnum sameiginlega þjónustugátt kerfanna og Tryggingastofnunar, sbr. 28. gr. laga um almannatryggingar, nr. 100/2007, þ.m.t. þær sem viðkvæmar geta talist, svo sem heilsufarsupplýsingar, og upplýsingar um félagslegar aðstæður þess einstaklings sem í hlut á hverju sinni.
11. Í stað orðanna „samkvæmt lögum“ í a- og b-lið 33. gr. komi: á grundvelli laga.
