Ferill 288. máls. Aðrar útgáfur af skjalinu: PDF - Word Perfect.
155. löggjafarþing 2024–2025.
Þingskjal 352 — 288. mál.
Svar
forsætisráðherra við fyrirspurn frá Ásthildi Lóu Þórsdóttur um viðskiptareikninga við Seðlabanka Íslands.
Við vinnslu svarsins var óskað eftir upplýsingum frá Seðlabanka Íslands og byggist svarið á upplýsingum bankans.
1. Hver var meðalfjárhæð innstæðna á viðskiptareikningum við Seðlabanka Íslands í hverjum mánuði frá júní 2023, sundurliðuð eftir flokkum reikningseigenda?
Seðlabankinn reiknar ekki sérstaklega meðalfjárhæð innstæðna á viðskiptareikningum. Seðlabankinn birtir opinberlega efnahagsreikning sinn á vefsvæði bankans. Þar má finna mánaðarlokatölur fyrir innstæður þeirra aðila sem eiga viðskiptareikning hjá Seðlabankanum.
Sjá má í eftirfarandi töflu samantekt á mánaðarlokatölum frá júní 2023, sundurliðað eftir flokkum reikningseigenda (fjárhæðir eru í milljónum króna):
| Dagsetning | Innstæður fjármálastofnana á viðskiptareikningum | Innstæða ríkissjóðs á viðskiptareikningum |
| 30.6.2023 | 63.078 | 66.970 |
| 31.7.2023 | 70.765 | 49.654 |
| 31.8.2023 | 60.410 | 60.619 |
| 30.9.2023 | 69.204 | 47.122 |
| 31.10.2023 | 79.959 | 41.326 |
| 30.11.2023 | 43.521 | 86.457 |
| 31.12.2023 | 52.319 | 81.790 |
| 31.1.2024 | 82.305 | 61.860 |
| 29.2.2024 | 54.340 | 111.653 |
| 31.3.2024 | 61.081 | 66.441 |
| 30.4.2024 | 64.324 | 53.364 |
| 31.5.2024 | 67.405 | 72.219 |
| 30.6.2024 | 49.935 | 55.563 |
| 31.7.2024 | 86.661 | 67.640 |
| 31.8.2024 | 54.217 | 79.167 |
| 30.9.2024 | 57.908 | 64.779 |
2. Hver var fjárhæð greiddra vaxta til eigenda viðskiptareikninga við Seðlabanka Íslands í hverjum mánuði frá júní 2023, sundurliðuð eftir flokkum reikningseigenda?
Sjá má í eftirfarandi töflu fjárhæð greiddra vaxta til eigenda viðskiptareikninga við Seðlabanka Íslands í hverjum mánuði frá júní 2023, sundurliðað eftir flokkum reikningseigenda (fjárhæðir eru í milljónum króna):
| Dagsetning | Greiddir vextir af innstæðum fjármálafyrirtækja á viðskiptareikningum | Greiddir vextir af bundnum innlánum fjármálafyrirtækja | Greiddir vextir af innstæðum ríkissjóðs á viðskiptareikningum |
| 30.6.2023 | 489,4 | 1.162,2 | 383,5 |
| 31.7.2023 | 550,8 | 1.094,4 | 268,0 |
| 31.8.2023 | 570,4 | 1.472,7 | 301,2 |
| 30.9.2023 | 452,8 | 1.274,8 | 281,9 |
| 31.10.2023 | 555,3 | 1.166,0 | 357,0 |
| 30.11.2023 | 529,9 | 1.621,2 | 371,6 |
| 31.12.2023 | 532,9 | 1.035,6 | 565,2 |
| 31.1.2024 | 573,7 | 1.451,3 | 446,8 |
| 29.2.2024 | 504,2 | 965,2 | 745,2 |
| 31.3.2024 | 461,7 | 1.176,8 | 563,9 |
| 30.4.2024 | 579,6 | 1.186,6 | 463,6 |
| 31.5.2024 | 422,8 | 1.532,1 | 470,1 |
| 30.6.2024 | 428,4 | 1.361,5 | 256,5 |
| 31.7.2024 | 542,8 | 1.732,3 | 308,4 |
| 31.8.2024 | 530,6 | 1.177,8 | 585,8 |
| 30.9.2024 | 439,9 | 1.328,0 | 390,7 |
3. Hver er uppruni þess fjár sem er notað til að greiða vexti til eigenda viðskiptareikninga við Seðlabanka Íslands?
Seðlabankinn greiðir vexti á innlánsreikninga við bankann.
Þess má geta að frá fjármálahruninu árin 2008/2009 hefur staða bankakerfisins gagnvart Seðlabanka Íslands (eins og við á um fjölda annarra ríkja) einkennst af rúmri lausafjárstöðu viðskiptabanka og sparisjóða. Viðskiptabankar hafa því ekki verið háðir Seðlabankanum um lausafé nema í undantekningartilvikum. Það eru því vextir á bundnum innlánum Seðlabankans sem hafa mest áhrif á miðlun peningastefnunnar um þessar mundir en ekki vextir á lánum bankans gegn veði eins og áður. Með því að breyta vöxtum hefur Seðlabankinn eftir sem áður áhrif á útlán bankakerfisins og eftirspurn, sem hefur áhrif á verðbólguþrýsting og vöxt peningamagns óháð því hvort mismiklir vextir bætist við innlánsstofninn.
