Ferill 299. máls. Aðrar útgáfur af skjalinu: PDF - Word Perfect.

---

155. löggjafarþing 2024–2025.
Þingskjal 369  —  299. mál.

Frumvarp til laga

um brottfall laga um Bankasýslu ríkisins, nr. 88/2009.

(Eftir 2. umræðu, 14. nóv.)

1. gr.

    Lög um Bankasýslu ríkisins, nr. 88/2009, falla úr gildi 1. janúar 2025.

2. gr.

    Lög þessi öðlast þegar gildi.

3. gr.

    Við gildistöku laga þessara verða eftirfarandi breytingar á öðrum lögum:
     1.      Lög um Seðlabanka Íslands, nr. 92/2019: 3. málsl. 2. mgr. ákvæðis til bráðabirgða V í lögunum fellur brott.
     2.      Lög um stofnun opinbers hlutafélags til að stuðla að endurskipulagningu rekstrarhæfra atvinnufyrirtækja, nr. 75/2009: 2. málsl. 3. mgr. 2. gr. laganna fellur brott.
     3.      Lög um fjármálafyrirtæki, nr. 161/2002: Í stað orðanna „7. gr. laga um Bankasýslu ríkisins, nr. 88/2009“ í 7. mgr. 53. gr. laganna kemur: 44. gr. a laga um opinber fjármál, nr. 123/2015.
     4.      Lög um opinber fjármál, nr. 123/2015: Á eftir 44. gr. laganna kemur ný grein, 44. gr. a, ásamt fyrirsögn, svohljóðandi:

Valnefnd.

                  Ráðherra skipar þriggja manna valnefnd, eina eða fleiri, til þriggja ára í senn. Valnefnd skal skipuð einstaklingum með viðeigandi menntun og þekkingu. Hlutverk valnefndar er að gera tillögur til ráðherra um einstaklinga sem til greina koma til setu fyrir hönd ríkisins í annars vegar bankaráðum og stjórnum fjármálafyrirtækja og hins vegar stjórnum stærri opinberra hlutafélaga og sameignarfyrirtækja. Nánar skal kveðið á um starfsreglur valnefndar og fyrirkomulag tilnefninga í eigandastefnu ríkisins sem ráðherra setur skv. 44. gr.

Ákvæði til bráðabirgða.

    Embætti forstjóra og önnur störf hjá Bankasýslu ríkisins skulu lögð niður frá og með 1. janúar 2025. Um réttindi og skyldur starfsmanna, þ.m.t. um biðlaunarétt, fer samkvæmt lögum um réttindi og skyldur starfsmanna ríkisins, nr. 70/1996.