Ferill 116. máls. Aðrar útgáfur af skjalinu: PDF - Word Perfect.

156. löggjafarþing 2025.
Þingskjal 116  —  116. mál.



Fyrirspurn


til mennta- og barnamálaráðherra um fyrirkomulag þjónustu við börn með fjölþættan vanda og Háholt í Skagafirði.

Frá Jóni Gnarr.


     1.      Hefur ráðherra skoðað möguleika á því að hefja rekstur á meðferðarheimili fyrir börn í Háholti í Skagafirði og endurvekja starfsemi þar sem hægt væri að vista allt að fimm einstaklinga?
     2.      Hefur farið fram mat á kostum og göllum þeirrar aðstöðu sem er í Háholti, m.a. með hliðsjón af niðurstöðum sem birtar voru í skýrslu stýrihóps um fyrirkomulag þjónustu við börn með fjölþættan vanda frá árinu 2023?


Skriflegt svar óskast.

Greinargerð.

    Í nokkurn tíma hefur verið stefnt að uppbyggingu meðferðarkjarna þar sem ætlunin er að hýsa alla þjónustu við börn með fjölþættan vanda á einum stað. Meðferðarkjarninn hefur ekki risið og gríðarleg óvissa er í málaflokknum. Þessu tengt hefur öðrum meðferðarúrræðum, svo sem meðferðarheimilinu að Háholti í Skagafirði, verið lokað. Miklar endurbætur voru gerðar á húsnæðinu í Háholti árið 2014 og uppfyllir það allar kröfur um aðbúnað við vistun barna. Húsnæðið er í eigu sveitarfélagsins Skagafjarðar og er nú í söluferli.