Ferill 148. máls. Aðrar útgáfur af skjalinu: PDF - Word Perfect.
156. löggjafarþing 2025.
Þingskjal 309 — 148. mál.
2. umræða.
Nefndarálit
um frumvarp til laga um breytingu á lögum um þjónustu- og þekkingarmiðstöð fyrir blinda, sjónskerta og einstaklinga með samþætta sjón- og heyrnarskerðingu, nr. 160/2008 (heiti stofnunar).
Frá velferðarnefnd.
Nefndin hefur fjallað um málið og fengið á sinn fund gesti frá félags- og húsnæðismálaráðuneyti, Þjónustu- og þekkingarmiðstöð fyrir blinda, sjónskerta og einstaklinga með samþætta sjón- og heyrnarskerðingu, ÖBÍ réttindasamtökum og Blindrafélaginu.
Umfjöllun nefndarinnar.
Með frumvarpinu er lagt til breytt heiti þjónustu- og þekkingarmiðstöðvar fyrir blinda, sjónskerta og einstaklinga með samþætta sjón- og heyrnarskerðingu. Lagt er til að nýtt heiti stofnunarinnar verði Sjónstöðin.
Við umfjöllun nefndarinnar um málið kom fram almenn ánægja með þá breytingu sem er lögð til með frumvarpinu. Heiti stofnunarinnar er í dag langt og óþjált, en sú tillaga sem fram kemur í frumvarpinu hins vegar lýsandi og nú þegar notast við þegar vísað er til stofnunarinnar í daglegu tali.
Nefndin leggur til að frumvarpið verði samþykkt óbreytt.
Alþingi, 31. mars 2025.
| Kolbrún Áslaugar Baldursdóttir, form. |
Jónína Björk Óskarsdóttir, frsm. |
Kristján Þórður Snæbjarnarson. |
| Eiríkur Björn Björgvinsson. | Rósa Guðbjartsdóttir. | Sigríður Á. Andersen. |
| Eydís Ásbjörnsdóttir. | Njáll Trausti Friðbertsson. | Ingibjörg Isaksen. |
