Ferill 344. máls. Aðrar útgáfur af skjalinu: PDF - Word Perfect.
156. löggjafarþing 2025.
Þingskjal 420 — 344. mál.
Fyrirspurn
til félags- og húsnæðismálaráðherra um búsetu umsækjenda um alþjóðlega vernd.
Frá Vilhjálmi Árnasyni.
1. Hversu mörg hótelherbergi, íbúðir, herbergi eða annað húsnæði hefur Vinnumálastofnun keypt eða tekið á leigu fyrir umsækjendur um alþjóðlega vernd frá og með árinu 2020? Svar óskast sundurliðað eftir árum, tegund gististaðar og sveitarfélögum.
2. Hversu margir dvöldu á þeim gististöðum sem spurt er um hinn 1. apríl 2025 og hversu lengi höfðu þeir dvalið þar að meðaltali? Svar óskast sundurliðað eftir sveitarfélögum, tegund gististaðar og ríkisfangi einstaklinga sem þar dvöldu.
3. Hversu margir fyrrnefndir gististaðir voru mannlausir að hluta eða í heild 1. apríl 2025? Svar óskast sundurliðað eftir tegund gististaðar og sveitarfélögum.
4. Hversu lengi höfðu þeir gististaðir sem voru mannlausir 1. apríl 2025 staðið auðir og hvers vegna?
5. Hversu margir einstaklingar sem fengið hafa alþjóðlega vernd búa í húsnæði á vegum sveitarfélaganna? Svar óskast sundurliðað eftir sveitarfélögum og ríkisfangi.
Skriflegt svar óskast.
