Ferill 344. máls. Aðrar útgáfur af skjalinu: PDF - Word Perfect.
156. löggjafarþing 2025.
Þingskjal 543 — 344. mál.
Svar
félags- og húsnæðismálaráðherra við fyrirspurn frá Vilhjálmi Árnasyni um búsetu umsækjenda um alþjóðlega vernd.
1. Hversu mörg hótelherbergi, íbúðir, herbergi eða annað húsnæði hefur Vinnumálastofnun keypt eða tekið á leigu fyrir umsækjendur um alþjóðlega vernd frá og með árinu 2020? Svar óskast sundurliðað eftir árum, tegund gististaðar og sveitarfélögum.
Vinnumálastofnun tók við þjónustu við umsækjendur um alþjóðlega vernd þann 1. júlí 2022 og því liggja umbeðnar upplýsingar ekki fyrir hjá stofnuninni fyrir þann tíma.
Í töflu 1 má sjá yfirlit yfir búsetuúrræði sem Vinnumálastofnun tók á leigu fyrir umsækjendur um alþjóðlega vernd frá 1. júlí 2022 til 1. maí 2025 en stofnunin festi ekki kaup á húsnæði fyrir framangreinda einstaklinga á umræddu tímabili.
Tafla 1.
| Ár | Fjöldi eigna/ herbergja | Tegund | Sveitarfélag |
| 2022 | 1 | heimavist | Borgarbyggð |
| 2022 | 1 | hótel | Grindavík |
| 2022 | 3 | gistiheimili | Hafnarfjörður |
| 2022 | 1 | hótel | Hafnarfjörður |
| 2022 | 2 | fjölbýlishús | Reykjanesbær |
| 2022 | 1 | gistiheimili | Reykjanesbær |
| 2022 | 1 | íbúðareign | Reykjanesbær |
| 2022 | 1 | hótel | Reykjavík |
| 2022 | 1 | gistiskáli | Reykjavík |
| 2022 | 5 | gistiheimili | Reykjavík |
| 2022 | 1 | skrifstofa | Reykjavík |
| 2022 | 1 | gistiheimili | Vestmannaeyjar |
| 2023 | 1 | íbúðareign | Akureyri |
| 2023 | 1 | heimavist | Bláskógabyggð |
| 2023 | 36 | hótelherbergi | Hafnarfjörður |
| 2023 | 1 | hótel | Hvalfjarðarsveit |
| 2023 | 1 | gistiheimili | Kópavogur |
| 2023 | 4 | gistiheimili | Reykjanesbær |
| 2023 | 1 | íbúðarherbergi | Reykjanesbær |
| 2023 | 1 | fjölbýlishús | Reykjanesbær |
| 2023 | 50 | hótelherbergi | Reykjanesbær |
| 2023 | 2 | gistiheimili | Reykjavík |
| 2023 | 1 | skrifstofa | Reykjavík |
| 2023 | 1 | skrifstofa – einbýli | Reykjavík |
| 2023 | 1 | íbúðareign | Suðurnesjabær |
| 2024 | 7 | hótelherbergi | Hafnarfjörður |
| 2024 | 1 | fjölbýlishús | Reykjavík |
| 2024 | 1 | íbúðareign | Reykjavík |
| 2024 | 1 | gistiskáli | Reykjavík |
2. Hversu margir dvöldu á þeim gististöðum sem spurt er um hinn 1. apríl 2025 og hversu lengi höfðu þeir dvalið þar að meðaltali? Svar óskast sundurliðað eftir sveitarfélögum, tegund gististaðar og ríkisfangi einstaklinga sem þar dvöldu.
Samkvæmt upplýsingum frá Vinnumálastofnun í tengslum við fjölda umsækjenda um alþjóðlega vernd, sem búsettir voru í búsetuúrræðum stofnunarinnar 1. maí sl., komu flestir frá Venesúela, Úkraínu, Palestínu, Sómalíu eða Írak, sbr. töflu 2, en í töflunni er þjóðerni tiltekið sem ótilgreint þar sem fjöldi einstaklinga var undir tíu. Vakin er athygli á að í svari þessu er miðað við 1. maí 2025 í stað 1. apríl 2025 líkt og fyrirspurnin lýtur að en örðugt er fyrir Vinnumálastofnun að taka saman umræddar upplýsingar miðað við tilteknar dagsetningar aftur í tímann.
Tafla 2.
| Sveitarfélag | Fjöldi í úrræði | Meðaldvalartími í dögum | Tegund | VEN | ÚKR | PAL | SÓM | ÍRAK | Ótilgreint |
| Hafnarfjörður | 109 | 180,3 | hótel | 71 | 12 | 26 | |||
| Hafnarfjörður | 33 | 142,6 | gistiheimili | 25 | 8 | ||||
| Kópavogur | 45 | 156,5 | gistiheimili | 24 | 15 | 6 | |||
| Reykjavík | 0 | 1,1 | skrifstofa | ||||||
| Reykjavík | 16 | 86,7 | íbúðareign | 16 | |||||
| Reykjavík | 36 | 117,7 | gistiheimili | 12 | 24 | ||||
| Reykjavík | 86 | 88,2 | gistiskáli | 54 | 21 | 11 | |||
| Reykjanesbær | 118 | 115,5 | fjölbýlishús | 32 | 20 | 11 | 10 | 45 | |
| Reykjanesbær | 128 | 117 | gistiheimili | 94 | 14 | 20 |
3. Hversu margir fyrrnefndir gististaðir voru mannlausir að hluta eða í heild 1. apríl 2025? Svar óskast sundurliðað eftir tegund gististaðar og sveitarfélögum.
Samkvæmt upplýsingum frá Vinnumálastofnun voru tíu búsetuúrræði stofnunarinnar, fyrir umsækjendur um alþjóðlega vernd, mannlaus að hluta eða í heild 1. maí 2025, sjá nánar í töflu 3. Vakin er athygli á að í svari þessu er miðað við 1. maí 2025 í stað 1. apríl 2025 líkt og fyrirspurnin lýtur að en örðugt er fyrir Vinnumálastofnun að taka saman umræddar upplýsingar miðað við tilteknar dagsetningar aftur í tímann.
4. Hversu lengi höfðu þeir gististaðir sem voru mannlausir 1. apríl 2025 staðið auðir og hvers vegna?
Líkt og áður miðast umbeðnar upplýsingar við 1. maí 2025, sbr. töflu 3, þar sem örðugt er fyrir Vinnumálastofnun að taka saman umræddar upplýsingar miðað við tilteknar dagsetningar aftur í tímann.
Tafla 3.
| Sveitarfélag | Tegund húsnæðis | Skýring |
| Akureyri | íbúðareign | Fækkun umsækjenda, hagræðing. Ónýtt frá febrúar 2025. |
| Hafnarfjörður | gistiheimili | Fækkun umsækjenda, hagræðing. Ónýtt frá nóvember 2024. |
| Hvalfjarðarsveit | hótel | Fækkun umsækjenda, hagræðing. Ónýtt frá september 2024. |
| Reykjanesbær | íbúðarherbergi | Fækkun umsækjenda, hagræðing. Ónýtt frá mars 2025. |
| Reykjanesbær | gistiheimili | Fækkun umsækjenda, hagræðing. Ónýtt frá nóvember 2024. |
| Reykjanesbær | fjölbýlishús | Fækkun umsækjenda, hagræðing. Ónýtt frá apríl 2025. |
| Reykjavík | gistiheimili | Fækkun umsækjenda, hagræðing. Ónýtt frá apríl 2025. |
| Reykjavík | íbúðareign | Fækkun umsækjenda, hagræðing. Ónýtt frá apríl 2025. |
| Reykjavík | gistiskáli | Fækkun umsækjenda, húsnæði nýlega tekið í notkun og það því enn ekki fullnýtt. |
| Reykjavík |
skrifstofa |
Úrræðið notað sem fyrsta gisting fyrir umsækjendur sem koma að nóttu til eða um helgar. Enginn í gistingu 1. maí 2025. |
5. Hversu margir einstaklingar sem fengið hafa alþjóðlega vernd búa í húsnæði á vegum sveitarfélaganna? Svar óskast sundurliðað eftir sveitarfélögum og ríkisfangi.
Hvorki félags- og húsnæðismálaráðuneyti né Vinnumálastofnun búa yfir upplýsingum um hve margir einstaklingar, sem fengið hafa alþjóðlega vernd hér á landi, búa í félagslegu húsnæði á vegum sveitarfélaga.
