Ferill 323. máls. Aðrar útgáfur af skjalinu: PDF - Word Perfect.
156. löggjafarþing 2025.
Þingskjal 605 — 323. mál.
Svar
utanríkisráðherra við fyrirspurn frá Snorra Mássyni kostnað vegna jafnréttismála og kynjafræði.
Fyrirspurnin hljóðar svo:
Hver hefur verið árlegur kostnaður ráðuneytisins frá árinu 2017 við þjónustu, ráðgjöf, stefnumótun og fræðslu sem útvistað hefur verið og tengist jafnréttismálum og kynjafræði? Svar óskast sundurliðað eftir viðtakendum greiðslna og tegund veittrar þjónustu.
Kostnaður ráðuneytisins við þjónustu, ráðgjöf, stefnumótun og fræðslu sem útvistað hefur verið og tengist jafnréttismálum og kynjafræði er ekki sundurgreindur með þeim hætti í bókhaldi ráðuneytisins sem fyrirspurnin gerir ráð fyrir.
Áætla má þennan kostnað með því að gera grein fyrir kostnaði sem fallið hefur til þegar ráðuneytið hefur greitt fyrir aðkeypta þjónustu og skýring á kostnaði í bókhaldi ber með sér að hann tengist jafnréttismálum og kynjafræði, t.d. með lykilorðum á borð við „jafnrétti“, „equality“, „kyn“ og „gender“. Kostnaður er færður til bókar samkvæmt tegundalykli Fjársýslunnar, en þar er m.a. að finna sérstaka lykla fyrir aðkeypta þjónustu „sérfræðinga sem lokið hafa háskólaprófi eða sambærilegu langskólanámi og eru verktakar en ekki launþegar“. Í þeim tilvikum sem gerð er grein fyrir að aftan er um að ræða þjónustu sem færð hefur verið til bókar sem „önnur sérfræðiþjónusta“ (tegundir 54490 og 54491). Sundurliðun þessa kostnaðar er í meðfylgjandi töflu.
| Ár | Viðtakandi greiðslu | Tegund veittrar þjónustu | Fjárhæð |
| 2017 | Ásdís Bjarnadóttir | Ráðgjöf | 160.000 |
| Samtals 2017 | 160.000 | ||
| 2018 | Capacent ehf. | Erindi | 150.000 |
| 2018 | Háskóli Íslands | Ráðgjöf | 1.290.323 |
| Samtals 2018 | 1.440.323 | ||
| 2019 | Capacent ehf. | Könnun | 684.250 |
| 2019 | Finnborg Salome Steinþórsdóttir | Erindi | 50.000 |
| Samtals 2019 | 734.250 | ||
| 2020 | Ólöf ríka ehf. | Ráðgjöf | 2.243.850 |
| 2020 | Ríkiskaup | Ráðgjöf | 398.797 |
| 2020 | UN Women Ísland | Ráðgjöf | 700.000 |
| 2020 | Z. Chisiza | Ráðgjöf | 2.602.283 |
| 2020 | Alan Greig | Ráðgjöf | 647.800 |
| Samtals 2020 | 6.592.730 | ||
| 2021 | Ásdís Ólafsdóttir | Ráðgjöf | 600.000 |
| 2021 | Háskóli Íslands | Ráðgjöf | 820.000 |
| 2021 | UN Women Ísland | Ráðgjöf | 800.000 |
| 2021 | Alan Greig | Ráðgjöf | 762.780 |
| Samtals 2021 | 2.982.780 | ||
| 2022 | Ásdís Ólafsdóttir | Ráðgjöf | 1.170.000 |
| 2022 | Háskóli Íslands | Ráðgjöf | 3.280.000 |
| Samtals 2022 | 4.450.000 | ||
| 2023 | Ásdís Ólafsdóttir | Ráðgjöf | 422.270 |
| 2023 | Equimundo: Center for Masculinities and Social Justice | Erindi | 523.547 |
| Samtals 2023 | 945.817 | ||
| 2024 | Sítrus Studio ehf. | Hönnun og umbrot | 231.000 |
| 2024 | Völundur Óskarsson | Túlkun | 21.000 |
| Samtals 2024 | 252.000 |
Áætlað er að þrjár vinnustundir hafi farið í að útbúa þetta svar.
