Ferill 439. máls. Aðrar útgáfur af skjalinu: PDF - Word Perfect.
156. löggjafarþing 2025.
Þingskjal 623 — 439. mál.
Fyrirspurn
til atvinnuvegaráðherra um nám og öryggismál í ferðaþjónustu.
Frá Höllu Hrund Logadóttur.
1. Telur ráðherra þörf fyrir öflugt verklegt og fræðilegt nám í ferðaþjónustu og fjallaleiðsögn til að tryggja öryggi ferðamanna og stuðla þannig að sjálfbærni greinarinnar til lengri tíma?
2. Hefur ráðherra lagt mat á áhrif áforma mennta- og barnamálaráðuneytisins um að bjóða ekki upp á nám í fjallaleiðsögn við Framhaldsskólann í Austur-Skaftafellssýslu næsta haust í ljósi niðurstöðu ráðuneytisstjórahóps um jöklaferðir, í kjölfar banaslyss á Breiðamerkurjökli, og í samhengi við stöðu öryggismála í ferðaþjónustu almennt?
3. Hefur ráðherra unnið að því að tryggja að áfram verði boðið upp á nám í fjallaleiðsögn í samvinnu við mennta- og barnamálaráðherra og aðra ráðherra sem fara með skyld málefnasvið, svo sem menningar-, nýsköpunar- og háskólaráðherra, dómsmálaráðherra og fjármála- og efnahagsráðherra, í ljósi mikilvægis námsins fyrir öryggi og orðspor ferðaþjónustu hér á landi?
Skriflegt svar óskast.
