Ferill 351. máls. Aðrar útgáfur af skjalinu: PDF - Word Perfect.
156. löggjafarþing 2025.
Þingskjal 859 — 351. mál.
2. umræða.
Breytingartillaga
við frumvarp til laga um breytingu á lögum um veiðigjald, nr. 145/2018 (aflaverðmæti í reiknistofni).
Frá Sigurði Inga Jóhannssyni, Þórarni Inga Péturssyni, Höllu Hrund Logadóttur, Stefáni Vagni Stefánssyni og Jónínu Brynjólfsdóttur.
1. Á undan 1. gr. komi ný grein, svohljóðandi:
Í stað orðanna „33% af reiknistofni hvers nytjastofns skv. 5. gr.“ í 4. gr. laganna kemur: eftirfarandi hlutfalli af reiknistofni hvers nytjastofns skv. 5. gr.: 34,5% á árinu 2026, 35,5% á árinu 2027, 36,5% á árinu 2028 og 37,5% á árinu 2029 og síðar, að viðbættu 10% álagi á uppsjávarfisk.
2. 2. gr. falli brott.
3. Á eftir 3. gr. komi ný grein, svohljóðandi:
Við gildistöku laga þessara verður eftirfarandi breyting á lögum um tekjuskatt, nr. 90/2003: Við lögin bætist ný grein, 36. gr. a, svohljóðandi:
Heimilt er að nota bókhaldslegar afskriftir varanlegra rekstrarfjármuna, sem eru skip og búnaður sem eingöngu er notaður til uppsjávarveiða, til frádráttar skattskyldum tekjum í stað skattalegra afskrifta skv. 33. gr. laga þessara.
Bókhaldslegar afskriftir skulu miðast við kerfisbundna lækkun á bókfærðu virði eignanna yfir áætlaðan nýtingartíma þeirra í samræmi við almennar reikningsskilaaðferðir, sbr. ákvæði laga um ársreikninga og laga um bókhald.
Þrátt fyrir ákvæði 2. mgr. 36. gr. laga þessara skal fyrningargrunnur ekki miðast við matsverð eigna. Eignir sem ekki eru fyrnanlegar samkvæmt 48. gr. laga þessara, svo sem varanleg aflahlutdeild, skulu ekki teljast fyrnanlegar í skattskilum, óháð bókhaldslegri meðferð þeirra.
Ákvæði 5. gr. laga nr. 145/2018, um veiðigjald, um dreifingu skattalegra fyrninga sem fara fram úr ákveðnum mörkum, skal gilda áfram um þær bókhaldslegu afskriftir sem heimilaðar eru samkvæmt þessari grein, eftir því sem við á.
