Ferill 335. máls. Aðrar útgáfur af skjalinu: PDF - Word Perfect.
156. löggjafarþing 2025.
Þingskjal 860 — 335. mál.
Svar
mennta- og barnamálaráðherra við fyrirspurn frá Snorra Mássyni um túlkaþjónustu á sviði fræðslumála.
1. Hver hefur verið heildarkostnaður ráðuneytisins og stofnana þess vegna túlkaþjónustu á sviði fræðslumála undanfarin fimm ár? Svar óskast sundurliðað eftir málefnasviðum.
Hér á eftir fara upplýsingar um heildarkostnað ráðuneytisins og stofnana þess vegna túlkaþjónustu á sviði fræðslumála undanfarin fimm ár. Rétt er að vekja athygli á eftirfarandi atriðum:
– Við breytingar á ráðuneytinu árið 2022 urðu breytingar á fjölda undirstofnana í samræmi við flutning málefna. Fyrir breytingar voru undirstofnanir 51 talsins en þær eru 30 í dag. Í ljósi þess eru upplýsingarnar takmarkaðar við þær stofnanir sem heyra í dag undir málefnasvið ráðuneytisins.
– Frá árinu 2022 teljast Barna- og fjölskyldustofa og Ráðgjafar- og greiningarstöð til undirstofnana mennta- og barnamálaráðuneytis en áður voru þær undirstofnanir félagsmálaráðuneytis.
– Menntamálastofnun var lögð niður 30. mars 2024 og Miðstöð menntunar og skólaþjónustu tók til starfa 1. apríl sama ár.
| Tafla 1. Framhaldsskólar. Upphæðir í þús. kr. | |||||
| Stofnun / Ár |
2020 | 2021 | 2022 | 2023 | 2024 |
| Menntaskólinn í Reykjavík | - | - | - | - | - |
| Menntaskólinn á Akureyri | - | - | - | - | - |
| Menntaskólinn að Laugarvatni | - | - | - | - | - |
| Menntaskólinn við Hamrahlíð | - | - | - | 50,0 | 21,0 |
| Menntaskólinn við Sund | - | - | 52,4 | 104,0 | - |
| Menntaskólinn á Ísafirði | - | 7,5 | 22,5 | 62,3 | 113,2 |
| Menntaskólinn á Egilsstöðum | - | 87,2 | 27,0 | - | |
| Menntskólinn í Kópavogi | - | 44,2 | 14,0 | - | - |
| Kvennaskólinn í Reykjavík | - | 98,2 | 126,2 | 119,6 | 399,2 |
| Fjölbrautaskólinn í Breiðholti | 865,2 | 144,4 | 53,0 | 109,1 | 353,7 |
| Fjölbrautaskólinn við Ármúla | 23,5 | 67,6 | 29,0 | 76,7 | 113,4 |
| Flensborg | - | 12,0 | 29,6 | 56,7 | 128,7 |
| Framhaldsskólinn í Mosfellsbæ | 9,6 | 7,5 | 11,7 | - | - |
| Fjölbrautaskóli Suðurnesja | - | - | - | 25,3 | 15,2 |
| Fjölbrautaskóli Vesturlands | - | 15,0 | - | 22,5 | 17,8 |
| Framhaldsskóli Vestmannaeyja | - | - | - | 45,0 | - |
| Fjölbrautaskóli Norðurlands vestra | - | - | - | 26,0 | - |
| Fjölbrautaskóli Suðurlands | - | - | - | - | 50,0 |
| Verkmenntaskóli Austurlands | - | 33,0 | - | 15,0 | - |
| Verkmenntaskólinn á Akureyri | 40,6 | 35,6 | 12,9 | 113,4 | 27,0 |
| Fjölbrautarskóli í Garðabæ | - | - | - | - | - |
| Framhaldsskólinn í Austur-Skaftafellssýslu | - | 29,9 | - | 74,5 | 50,2 |
| Framhaldsskólinn á Húsavík | - | 38,2 | 78,1 | - | - |
| Framhaldsskólinn á Laugum | - | - | - | - | - |
| Borgarholtsskóli | - | - | - | - | 19,8 |
| Fjölbrautaskóli Snæfellinga | - | - | - | - | - |
| Menntaskólinn á Tröllaskaga | - | - | - | - | - |
| Tafla 2. Stjórnsýsla mennta- og barnamála. Upphæðir í þús.kr. | |||||
| Stofnun / Ár | 2020 | 2021 | 2022 | 2023 | 2024 |
| Menntamálastofnun | - | - | - | - | - |
| Miðstöð menntunar og skólaþjónustu | - | - | - | - | - |
| Mennta- og barnamálaráðuneyti, aðalskrifstofa | - | - | - | 34,1 | - |
| Tafla 3. Annar stuðningur við fjölskyldur og börn. Upphæðir í þús. kr. | |||
| Stofnun / Ár | 2022 | 2023 | 2024 |
| Barna- og fjölskyldustofa | 3.555 | 4.355 | 4.003 |
| Ráðgjafar- og greiningarstöð | 4.430 | 6.142 | 6.608 |
| Tafla 4. Samantekt á kostnaði í töflum 1–3. Upphæðir í þús. kr. | ||||||
| 2020 | 2021 | 2022 | 2023 | 2024 | Samtals | |
| 20.10 Framhaldsskólar | 939,0 | 533,1 | 516,6 | 927,0 | 1.309,2 | 4.224,9 |
| 22.30 Stjórnsýsla mennta- og barnamála | - | - | - | 34,1 | - | 34,1 |
| 29.40 Annar stuðningur við fjölskyldur og börn | - | - | 7.985 | 10.497 | 10.611 | 35.413 |
2. Hvaða reglur gilda um kaup á túlkaþjónustu á vegum ráðuneytisins og stofnana þess?
Engar reglur gilda um kaup á túlkaþjónustu á vegum ráðuneytisins og stofnana þess umfram þær reglur sem almennt gilda um opinber innkaup, sbr. rammasamning Ríkiskaupa um túlka- og þýðingarþjónustu. 1
3. Er til sundurliðun á aðkeyptri þjónustu og því vinnuframlagi sem þjónustan krefst þegar hún er unnin af fastráðnum starfsmönnum?
Hjá ráðuneytinu og undirstofnunum þess er almennt ekki sérstaklega haldið utan um sundurliðun á aðkeyptri túlkaþjónustu og því vinnuframlagi sem þjónustan krefst þegar hún er unnin af fastráðnum starfsmönnum Skýrist það einkum af þeirri ástæðu að í langflestum tilvikum er túlkaþjónusta aðkeypt og ekki unnin af fastráðnum starfsmönnum. Hins vegar er haldið utan um sundurliðun hjá eftirfarandi stofnunum ráðuneytisins en sú sundurliðun snýr að aðkeyptri túlkaþjónustu:
– Menntaskólinn á Ísafirði
– Menntaskólinn í Kópavogi
– Fjölbrautaskólinn við Ármúla
– Framhaldsskólinn á Húsavík
– Ráðgjafar- og greiningarstöð
1 www.midlaegirsamningar.is/is/tulka-og-thydingathjonusta
