V. KAFLI
Ýmis ákvæði.
16. gr.
Umsýsla alþjóðlegra umsókna.

	Kr.
Umsýslugjald fyrir móttöku og meðhöndlun alþjóðlegrar einkaleyfis-, vörumerkja- eða hönnunarumsóknar	20.300

17. gr.
Endurupptaka og endurveiting réttinda.

	Kr.
Gjald fyrir beiðni um endurupptöku	13.000
Gjald fyrir beiðni um endurveitingu réttinda til einkaleyfis eða hönnunar	50.000

18. gr.
Innfærsla í málaskrá.

	Kr.
Gjald fyrir beiðni um innfærslu upplýsinga um aðilaskipti, nytjaleyfi eða veðsetningu	8.200
Gjald fyrir beiðni um aðrar innfærslur í málaskrá, svo sem breyting á nafni eða heimilisfangi umsækjanda/eiganda, breyting á tegund merkis, tilgreiningu vöru og/eða þjónustu eða breytingar varðandi umboðsmann	4.200

19. gr.
Afrit af gögnum í málaskrá.

    Fyrir afrit af aðgengilegum gögnum úr málaskrá skal greiða eftir því sem við á:

		Kr.
1.	Rafrænt afrit af umsókn eða af veittu einkaleyfi, skráðu merki eða hönnun eða öðrum skjölum úr skjalavistunarkerfi	1.500
2.	Staðfest afrit af skjölum skv. 1. tl. eða útgáfa forgangsréttarskjals	5.400
3.	Útprentun eða ljósritun gagna, hver síða í stærðinni A4	400

    Ef beiðni um afrit skv. 1. mgr. útheimtir verulega úrvinnslu gagna eða leit í skjalasafni reiknast að auki tímagjald samkvæmt 20. gr. eftir því sem við á.

20. gr.
Þjónustuverkefni.

	Kr.
Fyrir þjónustu sem verður ekki heimfærð undir einingarverð reglugerðarinnar, svo sem umfangsmikla leit, athuganir, úrvinnslu eða tölvuútskriftir, greiðist tímagjald	8.200

21. gr.
Áfrýjun.

	Kr.
Gjald vegna áfrýjunar á grundvelli laga um einkaleyfi, vörumerki, hönnun eða félagamerki	120.000

    Áfrýjunargjald greiðist ráðuneytinu við afhendingu bréfs um áfrýjun.
    Sé mál afturkallað áður en áfrýjunarnefnd er fullskipuð, málinu vísað frá áfrýjunarnefnd eða það vinnst skal ráðuneytið endurgreiða 100.000 kr.“
    Hugverkastofan þiggur ekki framlag úr ríkissjóði. Í fjárlögum fyrir árið 2025 er gert ráð fyrir að Hugverkastofan afli 783 millj. kr. í sértekjur.

Gjaldtökuheimildir safna.
    Samkvæmt 19. gr. safnalaga, nr. 141/2011, er öllum viðurkenndum söfnum, sem falla undir lögin, heimil taka aðgangseyris, auk gjalda fyrir þjónustu sína, svo sem lán á munum, ljósmyndun muna, afrit af ljósmyndum, sérunnar munaskrár og úttak tölvugagna, sérfræðilega heimildaþjónustu, fjölföldun og hvers konar aðra þjónustu til að standa straum af kostnaði. Söfnin setja gjaldskrá um framangreinda gjaldtöku. Ákvörðun um aðgangseyri og aðra gjaldtöku annarra safna er í höndum eigenda þeirra.

4. Þjóðskjalasafn Íslands.
    Í lögum um opinber skjalasöfn, nr. 77/2014, er mælt fyrir um gjaldtökuheimildir Þjóðskjalasafns Íslands í 48. gr. a, svohljóðandi:
    „Þjóðskjalasafn Íslands skal setja sér gjaldskrá þar sem kveðið er á um gjald fyrir eftirfarandi þjónustu:
     a.      móttöku skjala, vörslu þeirra og meðferð þegar héraðsskjalasafn hættir starfsemi, sbr. 3. mgr. 10. gr.,
     b.      móttöku, vörslu, ráðgjöf um skjalahald og eftirlit vegna skjala sem sveitarfélög afhenda safninu, sbr. 4. mgr. 14. gr.,
     c.      móttöku, frágang og flutning skjala afhendingarskylds aðila sem hættir starfsemi eða er lagður niður, sbr. 5. mgr. 15. gr.,
     d.      geymslu skjala á pappír sem afhent eru safninu áður en þau hafa náð 30 ára aldri þar til þau ná þeim aldri, sbr. 8. mgr. 15. gr.,
     e.      varðveislu og eyðingu skjala frá þrotabúum, sbr. 9. mgr. 15. gr.,
     f.      miðlun efnis frá sveitarfélagi sem ekki starfrækir héraðsskjalasafn, sbr. 20. gr.,
     g.      vinnu við að veita aðgang að gögnum þrotabús eða öðrum óflokkuðum skjölum, svo og fyrir aukna rannsóknarvinnu, sbr. 3. mgr. 44. gr.,
     h.      ljósritun og afritun gagna sem afhent eru, sbr. 4. mgr. 44. gr.
    Gjaldskrá Þjóðskjalasafns Íslands skal staðfest af ráðherra og birt í B-deild Stjórnartíðinda. Gjaldskráin skal einnig birt á vef Þjóðskjalasafns Íslands. Heimilt er að kveða á um árlega verðlagsuppfærslu í gjaldskránni og skal þá gildandi verð á hverjum tíma birtast á vef safnsins.
    Héraðsskjalasöfnum er heimilt að setja sér gjaldskrá þar sem kveðið er á um gjaldtöku fyrir þjónustu skv. b-, c-, d-, g- og h-lið 1. mgr. Gjaldskrá héraðsskjalasafns skal sett af stjórn safns, sveitarstjórn eða stjórn byggðasamlags, eftir því sem við á, og birt á aðgengilegan hátt.
    Gjaldskrár opinberra skjalasafna skulu miða við þann kostnað sem hlýst af varðveislu skjala með hliðsjón af eðli þeirra og magni. Gjöld skulu ekki vera hærri en raunkostnaður af þeim kostnaðarliðum sem þeim er ætlað að standa undir að teknu tilliti til húsnæðiskostnaðar, launa starfsfólks sem sinnir þjónustunni, sérstaks efniskostnaðar vegna þjónustunnar og eðlilegra afskrifta af þeim búnaði sem notaður er við veitingu þjónustunnar.“
    Gjaldskrá Þjóðskjalasafns Íslands, sem hefur verið staðfest af ráðherra, er birt í B-deild Stjórnartíðinda sem auglýsing nr. 1360/2021, svohljóðandi:

„1. gr.
Gildissvið.

    Gjaldskrá þessi gildir um þjónustu Þjóðskjalasafns Íslands.

2. gr.
Ljósritun og afritun gagna úr safnkosti.

    Gjald fyrir ljósritun og afritun gagna úr safnkosti skv. 4. mgr. 44. gr. laga um opinber skjalasöfn er sem hér segir:

Lýsing	Verð kr.
Ljósritun A3/A4 pr. bls.	170
Rafrænt afrit – lággæði pr. mynd	150
Rafrænt afrit – hágæði pr. mynd	1.400
Staðfest vottorð pr. bls.	700

3. gr.
Vinna og kostnaður sem til fellur við að veita aðgang að þrotabúum
og öðrum óskráðum og óflokkuðum skjalasöfnum.

    Gjald fyrir kostnað sem fellur til við að veita aðgang að þrotabúum og öðrum óskráðum og óflokkuðum skjalasöfnum skv. 3. mgr. 44. gr. laga um opinber skjalasöfn er sem hér segir:

Lýsing	Verð kr.
Tímavinna starfsmanns	8.100
Ljósritun A3/A4 pr. bls.	170
Rafrænt afrit – lággæði pr. mynd	150
Rafrænt afrit – hágæði pr. mynd	1.400
Staðfest vottorð pr. bls.	700

4. gr.
Móttaka, frágangur og flutningur skjalasafna afhendingarskylds aðila
sem hefur hætt starfsemi eða verið lagður niður, skv. reglugerð nr. 1236/2021.

    Gjald fyrir móttöku, frágang og flutning skjalasafna afhendingarskylds aðila sem hefur hætt starfsemi eða verið lagður niður skv. 5. mgr. 15. gr. reiknast út frá kostnaði við umbúðir, tímavinnu við frágang skjalasafns og flutningi skjala. Kostnaðarliðir fyrir frágang og flutning skjala er sem hér segir:

Lýsing	Verð kr.
Tímavinna starfsmanns	8.100
Kostnaður við umbúðir á hillumetra	8.800

5. gr.
Varðveisla pappírsskjala afhendingarskyldra aðila
sem eru yngri en 30 ára, skv. reglugerð nr. 1236/2021.

    Gjald fyrir varðveislu pappírsskjala afhendingarskyldra aðila sem eru yngri en 30 ára skv. 8. mgr. 15. gr. laga um opinber skjalasöfn er sem hér segir:

Lýsing	Verð kr.
Varðveisla pappírsskjala pr. hillumetra á ári	6.000

    Vörslukostnaður fyrir pappírsskjöl sem eru yngri en 30 ára frá afhendingarskyldum aðilum til Þjóðskjalasafns Íslands skv. 1.–4. tölulið 1. mgr. og 2. mgr. 14. gr. laga nr. 77/2014 um opinber skjalasöfn sem hafa verið lagðir niður skal greiddur af því ráðuneyti eða sveitarfélagi sem viðkomandi aðili heyrði undir.

6. gr.
Varðveisla skjala sveitarfélaga sem eru afhendingarskyld til Þjóðskjalasafns.

    Gjald fyrir varðveislu skjala sveitarfélaga sem eru afhendingarskyld til Þjóðskjalasafns skv. 4. mgr. 14. gr. laga um opinber skjalasöfn er sem hér segir:

Lýsing	Verð kr.
Varðveisla pappírsskjala pr. hillumetra á ári	6.000
Varðveisla rafrænna gagna pr. gígabæt á ári	1.200

7. gr.
Varðveisla skjala þrotabúa í sjö ár og eyðing þeirra, skv. reglugerð nr. 1236/2021.

    Þrotabú skulu greiða Þjóðskjalasafni Íslands árlegt vörslugjald fyrir hvern hillumetra skjala sem safnið varðveitir í sjö ár. Vörslugjald greiðist í einu lagi fyrir sjö ár frá skiptalokum þegar safnið er afhent Þjóðskjalasafni til vörslu.
    Gjald fyrir varðveislu skjala þrotabúa í sjö ár og eyðingu þeirra skv. 9. mgr. 15. gr. laga um opinber skjalasöfn er sem hér segir:

Lýsing	Verð kr.
Varðveisla pappírsskjala pr. hillumetra á ári	4.720
Varðveisla rafrænna gagna pr. gígabæt á ári	950
Eyðing skjala pr. kg	34“

    Í fjárlögum fyrir árið 2025 er gert ráð fyrir 93,5 millj. kr. í sértekjur Þjóðskjalasafns Íslands.

5. Kvikmyndasafn Íslands.
    Heimild Kvikmyndasafns Íslands til gjaldtöku er þannig lýst í 11. gr. kvikmyndalaga, nr. 137/2001: „Kvikmyndasafni Íslands er heimilt að taka gjald fyrir eftirtalið: Útlán á kvikmyndum, kvikmyndasýningar, afritun, skönnun og stafvæðingu hliðræns efnis og sérfræðilega heimildaþjónustu og launa- og efniskostnað vegna þessara þátta. Jafnframt er safninu heimilt að taka gjald fyrir sýningu, annan flutning og rétt til eintakagerðar í samræmi við ákvæði höfundalaga, nr. 73/1972. Kvikmyndasafnið skal setja sér gjaldskrá vegna þessarar þjónustu sem ráðherra staðfestir.“
    Ekki verður séð að auglýsing hafi verið birt í Stjórnartíðindum með staðfestri gjaldskrá Kvikmyndasafns Íslands.
    Í fjárlögum fyrir árið 2025 er gert ráð fyrir 12,5 millj. kr. sértekjum Kvikmyndasafns Íslands.

6. Landsbókasafn Íslands – Háskólabókasafn.
    Kveðið er á um gjaldtökuheimildir Landsbókasafns Íslands – Háskólabókasafns í 8. gr. laga um safnið, nr. 142/2011, svohljóðandi:
    „Landsbókasafni Íslands – Háskólabókasafni er heimilt að innheimta gjöld fyrir þjónustu sína, svo sem útlánastarfsemi, millisafnalán, afritun, fjölföldun, ljósmyndun, sérfræðilega heimildaþjónustu, heimildaleit í gagnagrunnum og útlán á sérstökum safnkosti.
    Landsbókavörður setur gjaldskrá um alla gjaldtöku skv. 1. mgr. að fenginni umsögn stjórnar. Umrædd gjöld skulu ekki vera hærri en raunkostnaður safnsins vegna þjónustunnar og er ætlað að standa straum af eftirfarandi kostnaðarþáttum við hana:
     a.      launum starfsfólks sem sinnir þjónustunni,
     b.      sérstökum efniskostnaði vegna þjónustunnar.
    Safninu er heimilt að innheimta dagsektir fyrir afnot safnefnis fram yfir skilafrest og bætur fyrir safnefni sem glatast eða skemmist í meðförum notenda. Landsbókavörður setur reglur um innheimtu dagsekta og bóta að fenginni umsögn stjórnar. Skal í þeim kveðið á um að dagsektir sem lagðar eru á hvern lánþega vegna tiltekins safnefnis, eða bætur sem innheimtar eru vegna þess, megi mest nema innkaupsverði viðkomandi efnis. Þá er heimilt að mæla fyrir um að sé safnefni ófáanlegt skuli verð metið að álitum og það mat lagt til grundvallar við ákvörðun bóta eða sekta, eftir atvikum með allt að 50% álagi á sektir eða bætur ef um mikilvægt efni er að ræða.
    Gjaldskrá skv. 2. og 3. mgr. skal birta notendum á aðgengilegan hátt.“
    Gjaldskrá Landsbókasafns Íslands – Háskólabókasafns eins og hún er á hverjum tíma er birt á vef safnsins.
    Í fjárlögum fyrir árið 2025 er gert ráð fyrir 332,1 millj. kr. sértekjum Landsbókasafns Íslands – Háskólabókasafns.

7. Listasafn Íslands.
    Samkvæmt 9. gr. myndlistarlaga, nr. 64/2012, sbr. 8. mgr. 6. gr., 7. og 8. gr. reglugerðar nr. 171/2014, um Listasafn Íslands, er safninu heimil gjaldtaka: „Listasafni Íslands er heimilt að taka aðgangseyri. Þá er safninu heimilt að taka gjald fyrir þjónustu sína, svo sem lán á listaverkum, ljósmyndun þeirra, afnot af ljósmyndum, hvers konar sérunnar skrár og úttak tölvugagna, sérfræðilega heimildaþjónustu og fjölföldun hvers konar til þess að standa straum af kostnaði. Safnið setur gjaldskrá um framangreinda gjaldtöku.“
    Gjaldskráin er svofelld:

Gjaldskrá Listasafns Íslands 2025
Almennur aðgangseyrir
Fullorðnir 18–66 ára	2.400 kr.
67 ára og eldri	1.200 kr.
Námsfólk gegn framvísun skólaskírteinis	1.200 kr.
Börn 0–17 ára	0 kr.
Öryrkjar og fylgdarfólk fatlaðra	0 kr.
Handhafar Menningarkorts Reykjavíkur, 50% afsláttur til 31.12.2025	1.200 kr.
Handhafar Reykjavík City Card, ICOM, FÍSOS, SÍM og fjölmiðlar	0 kr.
Hópur, 10–20 manns, verð á mann	2.160 kr.
Hópur, fleiri en 20 manns, verð á mann	1.920 kr.
Annar aðgangseyrir getur gilt fyrir sérstakar sýningar.
Einn aðgöngumiði gildir í bæði safnhús LÍ.
Alltaf þarf að sýna skírteini til staðfestingar fyrir afslætti.
Árskort
Árskort 29–66 ára	6.000 kr.
Árskort +1 (29–66 ára)	9.000 kr.
Árskort 67 ára og eldri	3.000 kr.
Árskort 18–28 ára	3.000 kr.
Árskort fyrir námsfólk	2.400 kr.
Listasafnsfélagið, Textílfélagið og leiðsögumenn	4.800 kr.
Handhafar árskorta fá 10% afslátt í safnverslun.
Alltaf þarf að sýna skírteini til staðfestingar fyrir afslætti.
Reykjavík City Card (í samstarfi við Markaðsstofu höfuðborgarsvæðisins)
Reykjavík City Card 24 hours	5.500 kr.
Reykjavík City Card 48 hours	7.700 kr.
Reykjavík City Card 72 hours	9.500 kr.
Útseld vinna (kr./klst.)
Sérfræðingar	18.400 kr.
Aðrir en sérfræðingar	12.600 kr.
Akstursgjald innan höfuðborgarsvæðisins*	3.000 kr.
*Greitt sérstaklega fyrir annan akstur samkvæmt reikningi sendibíls.
Leiðsögn
Leiðsögn á opnunartíma, alla daga auk aðgangseyris	27.600 kr.
Leiðsögn utan opnunartíma er samkvæmt samkomulagi.
Leiga listaverka til stofnana ríkisins
Stofnkostnaður, 1–5 verk	92.000 kr.
Stofnkostnaður, 6–10 verk	128.800 kr.
Stofnkostnaður, fleiri en 10 verk, að lágmarki	184.000 kr.
Leiga á mánuði, stærri verk og þrívíð verk	4.898 kr.
Leiga á mánuði, meðalstór og minni verk	4.205 kr.
*Greitt sérstaklega fyrir annan akstur samkvæmt reikningi sendibíls.
Myndalán – heimildasafn
Myndalán, allar stærðir, hver mynd	14.200 kr.
Myndalán, 10–20 myndir, 10% afsláttur, hver mynd	12.780 kr.
Myndalán, 20–40 myndir, 20% afsláttur, hver mynd	11.360 kr.
Myndalán, fleiri en 40 myndir, 30% afsláttur, hver mynd	9.940 kr.
Myndir til einkanota	2.000 kr.
Myndaafnot í kennslu eða fyrirlestra	2.000 kr.
Ljósmyndun (klst. vinna ef mynd er ekki til)	18.400 kr.
Innskönnun, lágmarksgjald	330 kr.
Innskönnun, hver bls.	100 kr.
Innskönnun, afnot gesta	130 kr.
Ljósritun, hver síða	150 kr.
Höfundarréttargjald (ÁJ, FJ, GSch)*
Lánþegar snúa sér fyrst til Myndstefs vegna höfundarréttargjalda.
Lán til safna innan lands
Stór verk, öll þrívíð verk, tvívíð verk, hæð eða breidd í ramma 160 cm+	15.000 kr.
Meðalstór verk, hæð eða breidd í ramma 31–159 cm	10.000 kr.
Lítil verk, hæð eða breidd í ramma 30 cm eða minna	10.000 kr.
Kostnaður við heila sýningu (eða yfir 40 verk)*	350.000 kr.
Sérfræðingar	18.400 kr.
Aðrir en sérfræðingar	12.600 kr.
Akstursgjald innan höfuðborgarsvæðisins*	3.000 kr.
*Greitt sérstaklega fyrir annan akstur samkvæmt reikningi sendibíls.
Leiga sala og fundarherbergja	Með vsk.
Lestrarsalur Safnahússins, heill dagur	135.000 kr.
Lestrarsalur Safnahússins, hálfur dagur	95.000 kr.
Fundarherbergi í Safnahúsinu, heill dagur	55.000 kr.
Fundarherbergi í Safnahúsinu, hálfur dagur	45.000 kr.
Hver byrjuð klst. eftir lokun safnsins (lágmark 2 stm.)	31.248 kr.
Myndatökur í stiga Safnahússins (brúðkaupsmyndatökur)	20.000 kr.
Fríkirkjuvegur, stakur salur	125.000 kr.
Fríkirkjuvegur, glerskálinn (anddyri og 2. hæð, „marmarinn“)	125.000 kr.
Fríkirkjuvegur, neðri hæð, salur 1 og 2	170.000 kr.
Fríkirkjuvegur, efri hæð, salur 3 og 4	170.000 kr.
Fríkirkjuvegur, allt safnið	420.000 kr.
Ásgrímssafn, leiga á efri hæð ásamt leiðsögn	70.000 kr.
Vinnutími tæknimanns á klst.	22.816 kr.
Vinnutími annarra starfsmanna	15.624 kr.
Kaffi, te	0 kr.
*Gjaldskrá miðast við opnunartíma safnsins.
Hljóðkerfi og skjávarpi er innifalið í leigu á aðstöðu ásamt uppröðun stóla.
Viðbótargjald er lagt á ef fundir og viðburðir byrja fyrir kl. 9 eða standa lengur en til kl. 17.
Önnur notkun safnhúsa LÍ er samkvæmt samkomulagi.
Tónleikar
Fríkirkjuvegur, einn salur án stillingar flygils	80.000 kr.
Safnahúsið, lestrarsalur án stillingar flygils	80.000 kr.
Æfing utan opnunartíma samkvæmt samkomulagi	0 kr.
Vinnutími tæknimanns á klst.	18.400 kr.
Vinnutími annarra starfsmanna	12.600 kr.
Stilling flygils samkvæmt reikningi.

    Eftirfarandi útreikningur eða áætlun liggur að baki sérhverju gjaldi:
     a.      Aðgangseyrir: Ekki hefur verið gerður formlegur útreikningur á grunni aðgangseyris en m.a. haft til hliðsjónar hver aðgangseyrir er á önnur söfn hér á landi og erlendis. Boðið er upp á fjölbreyttan afslátt til eldri borgara og námsmanna. Börn yngri en 18 ára fá frítt inn sem og öryrkjar. Sérstakur afsláttur er á árskortum og lögð áhersla á námsfólk, fólk 18–28 ára og eldri en 67 ára. Allir þessir hópar njóta sérkjara á árskortum. Aðgangseyrir skilar um 5% af heildartekjum safnsins. Ekki er ætlast til þess að aðgangseyrir standi undir rekstri sýninga eða sýningarrýmis.
     b.      Útseld vinna: Til grundvallar er meðallaunakostnaður hjá viðkomandi starfsstétt, þ.e. sérfræðingum og öðru starfsfólki, að viðbættum launatengdum gjöldum og umsýslu.
     c.      Leiðsögn: Þar er tímagjald til grundvallar að viðbættum kostnaði við undirbúning leiðsagnar.
     d.      Leiga listaverka: Safninu er heimilt að lána og leigja stofnunum ríkisins listaverk. Nær eingöngu eru það embætti forseta Íslands, Alþingi, ráðuneyti og sendiráð Íslands erlendis. Til grundvallar leigugjaldi er útlagður kostnaður, t.d. við val á listaverkum, ráðgjöf um staðsetningu, uppsetningu verka, forvörslu, ráðgjöf um umhirðu verka, eftirlit með verkunum af hálfu Listasafnsins o.fl. Ekki liggur fyrir formlegur útreikningur á útlögðum kostnaði enda erfitt að áætla hann nákvæmlega þar sem kostnaður getur verið mjög misjafn eftir listaverkum.
     e.      Myndalán – heimildasafn: Hér er átt við ljósmyndir af verkum en ekki verkin sjálf. Um er að ræða lágmarksgjald vegna þjónustu, svo sem að finna réttar myndir í gæðum sem hæfa viðkomandi tilviki. Þessi þjónusta er óverulegur þáttur í sértekjum safnsins.
     f.      Lán til safna innan lands: Hér er um grunngjald að ræða þar sem sækja getur þurft verk í fjargeymslu, sinna forvörslu fyrir lán, fylgja verki á lánsstað og sækja. Þetta er áætlaður meðalkostnaður. Tekjur af þessum lið eru óverulegar enda er Listasafnið gjarnan þátttakandi í sýningum. Einnig er lánað til safna erlendis og þá er gerður sérstakur samningur um það.
     g.      Leiga sala og fundarherbergja: Nær eingöngu er leigt til stofnana ríkisins. Verð er með virðisaukaskatti. Kostnaður safnsins felst í undirbúningi funda, yfirsetu starfsfólks, tæknibúnaði og frágangi á sal.
    Í fjárlögum fyrir árið 2025 er gert ráð fyrir 67,5 millj. kr. sértekjum Listasafns Íslands.

8. Þjóðminjasafn Íslands.
    Mælt er fyrir um gjaldtökuheimildir Þjóðminjasafns Íslands í 4. gr. laga um safnið, nr. 140/2011. Safninu er heimilt að taka aðgangseyri. Þá er safninu heimilt að taka gjald fyrir þjónustu sína, svo sem lán á munum, ljósmyndun muna, afrit af ljósmyndum, sérunnar munaskrár og úttak tölvugagna, sérfræðilega heimildaþjónustu, fjölföldun og hvers konar aðra þjónustu til að standa straum af kostnaði. Safnið setur gjaldskrá um gjaldtökuna.
    Aðgangseyrir er sem hér segir:

Safnhús við Suðurgötu í Reykjavík
Fullorðinn	3.500 kr.
Börn 0–17 ára	0 kr.
Eldri borgarar	1.500 kr.
Öryrkjar	1.500 kr.
Námsmenn	1.500 kr.

    Aðgöngumiði gildir í eitt ár frá kaupum.

Keldur á Rangárvöllum
Fullorðinn	2.500 kr.
Börn 0–17 ára	0 kr.
Eldri borgarar	0 kr.
Öryrkjar	1.500 kr.
Námsmenn	1.500 kr.

Ljósmyndir	Verð á efni í höfundarrétti	Verð á efni utan höfundarréttar
Einkanot	2.500 kr.	2.500 kr.
Innskönnun	2.500 kr.	2.500 kr.
Ráðstefnur, fyrirlestrar	6.000 kr.	3.000 kr.
Vefsíða einstaklings	6.000 kr.	3.000 kr.
Nemendaritgerðir, allt að 5 myndir	3.500 kr.	1.750 kr.
Kennsla, fyrirlestrar, allt að 5 myndir	3.500 kr.	1.750 kr.
Bækur, endurútgáfa, forsíða og innsíða	9.000 kr.	4.500 kr.
Dagblöð og tímarit, færri en 300 eintök	11.200 kr.	5.600 kr.
Ráðstefnur, skýrslur	11.200 kr.	5.600 kr.
Ráðstefnur, upplýsingaskilti	11.200 kr.	5.600 kr.
Vefsíða félagasamtaka	15.600 kr.	7.800 kr.
Bækur, forsíða og innsíða	22.400 kr.	11.200 kr.
Sjónvarp, kvikmyndir	22.400 kr.	11.200 kr.
Dagblöð, tímarit	22.400 kr.	11.200 kr.
Vefsíða fyrirtækis	29.800 kr.	14.900 kr.
Myndir á sýningu	22.400 kr.	11.200 kr.
Skreytingar fyrirtækja og stofnana	22.400 kr.	11.200 kr.
Vörur, minjagripir	14.800 kr.	7.400 kr.
Auglýsing í prentmiðli, heil og hálf síða	38.000 kr.	19.000 kr.
Auglýsingaherferð	89.200 kr.	44.600 kr.

Leiga á sal
Fyrirlestrasalur, virkur dagur, 1–4 klst.	78.000 kr.
Fyrirlestrasalur, virkur dagur, 4+ klst.	108.000 kr.
Fyrirlestrasalur, um helgi, 1–4 klst.	90.000 kr.
Fyrirlestrasalur, um helgi, 4+ klst.	126.000 kr.
Upptaka af fyrirlestri	24.000 kr.
Fyrirlestrasalur, ef komast þarf í sal fyrir kl. 10	24.000 kr.
Móttaka í myndasal	230.000 kr.

Safnfræðsla
Almenn leiðsögn fyrir hópa, mest 25 manns	36.000 kr.

Sérfræðiráðgjöf.
    Ekki hefur verið greitt fyrir vinnu við sérunna munaskrá. Ekki hefur verið greitt fyrir úttekt tölvugagna. Sérfræðileg heimildaþjónusta er veitt. Almennum fyrirspurnum er svarað án þess að gjald sé almennt tekið fyrir. Þjóðminjasafnið þjónustar fræðafólk yfirleitt án endurgjalds enda litið svo á að vinna þeirra gagnist safnkosti og menningarfi.
    Við ákvörðun á þjónustugjöldum Þjóðminjasafnsins eru eftirfarandi þættir lagðir til grundvallar:
    *     Launakostnaður: Tími starfsmanna við að finna, skanna eða veita þjónustu.
    *     Tækjabúnaður: Afskriftir, viðhald og notkun á ljósmyndatækjum, skönnum o.fl.
    *     Efni og rekstrarvörur: Pappír, ljósmyndapappír, geymsluhylki, geymslupláss á netþjónum.
    *     Yfirstjórn og húsnæði: Hlutfall af kostnaði við húsnæði, rafmagn og skrifstofuhald.
    *     Annar beinn kostnaður: Til að mynda leyfisgjöld, hugbúnaður eða utanaðkomandi þjónusta.
    Í fjárlögum fyrir árið 2025 er gert ráð fyrir 221,3 millj. kr. sértekjum Þjóðminjasafns Íslands.

9. Náttúruminjasafn Íslands.
    Samkvæmt 6. gr. laga um Náttúruminjasafn Íslands, nr. 35/2007, er safninu heimilt að taka aðgangseyri, taka gjald fyrir lán á munum, ljósmyndun muna, afrit af ljósmyndum, sérunnar munaskrár og úttak tölvugagna, sérfræðilega heimildaþjónustu og fjölföldun hvers konar til þess að standa straum af kostnaði samkvæmt gjaldskrá sem ráðherra staðfestir.
    Ekki verður séð að auglýsing hafi verið birt í Stjórnartíðindum með staðfestri gjaldskrá Náttúruminjasafns Íslands, enda hefur safnið ekki sýningaraðstöðu enn sem komið er.

10. Þjóðleikhúsið.
    Heimild Þjóðleikhússins til töku aðgangseyris kemur fram í 8. gr. sviðslistalaga, nr. 165/2019, svohljóðandi: „Kostnaður af þjóðleikhúsráði og rekstri Þjóðleikhússins greiðist úr ríkissjóði. Þjóðleikhúsinu er heimilt að hafa tekjur af eigin starfsemi og taka aðgangseyri.“
    Í fjárlögum fyrir árið 2025 eru áætlaðar sértekjur Þjóðleikhússins 465 millj. kr.

11. Íslenski dansflokkurinn.
    Heimild Íslenska dansflokksins til töku aðgangseyris kemur fram í 14. gr. sviðslistalaga, nr. 165/2019, svohljóðandi: „Kostnaður af listdansráði og rekstri Íslenska dansflokksins greiðist úr ríkissjóði. Íslenska dansflokknum er heimilt að hafa tekjur af eigin starfsemi og taka aðgangseyri.“
    Í fjárlögum fyrir árið 2025 eru áætlaðar sértekjur Íslenska dansflokksins 41,6 millj. kr.

12. Hljóðbókasafn Íslands.
    Heimild Hljóðbókasafns Íslands til innheimtu aðgangseyris er sótt í 19. gr. bókasafnalaga, nr. 150/2012. Árgjald er 3.000 kr. fyrir fullorðna en frítt er fyrir börn undir 18 ára aldri.

13. Stofnun Árna Magnússonar í íslenskum fræðum.
    Innheimta þjónustugjalda og aðgangseyris byggist á 10 gr. laga um Stofnun Árna Magnússonar í íslenskum fræðum, nr. 40/2006. Þar er stofnuninni heimilað að innheimta gjöld vegna ýmiss konar starfsemi sem þar er upp talin, m.a. fyrir aðgang að sýningum á vegum stofnunarinnar.
    Aðgangseyrir er sem hér segir:

Fullorðnir	2.500 kr.
Námsmenn	1.200 kr.
Eldri borgarar	1.200 kr.
Börn yngri en 18 ára	Ókeypis
Öryrkjar	Ókeypis
Árskort	4.500 kr.

    Gert er ráð fyrir kostnaði vegna þessa í rekstraráætlun stofnunarinnar. Þar er fyrst og fremst um að ræða launakostnað þjónustufulltrúa sem sjá um daglega þjónustu við gesti sýningarinnar en einnig er ýmiss konar óbeinn kostnaður í formi vinnu fastráðinna starfsmanna sem snýr að sýningunni. Annar óbeinn kostnaður, svo sem vegna leigu og reksturs húsnæðis, öryggisvörslu eða stjórnsýslu, liggur ekki til grundvallar útreikningum. Miðaverð á sambærilegar sýningar liggur til grundvallar við ákvarðanatöku á verði miða.

14. Samskiptamiðstöð heyrnarlausra og heyrnarskertra.
    Heimild til innheimtu þjónustugjalda er byggð á 6. gr. laga um Samskiptamiðstöð heyrnarlausra og heyrnarskertra, nr. 129/1990.
    Fyrir þjónustu starfsmanns Samskiptamiðstöðvar skal innheimta eftirfarandi:

Hefðbundið tímagjald	10.500 kr.
Aukið tímagjald	15.000 kr.

    Stofnunin innheimtir gjald fyrir að lágmarki þrjár klukkustundir fyrir þjónustu sem fer alfarið fram utan dagvinnutíma. Tímagjald samkvæmt nýrri gjaldskrá um útselda vinnu starfsfólks er nú 10.500 kr. á dagvinnutíma og aukið tímagjald utan dagvinnutíma er 15.000 kr.
    Einnig hefur stofnunin nú heimild til að innheimta akstursgjald vegna þjónustu sem innt er af hendi utan aðseturs hennar og ferðakostnað og dagpeninga ef þjónusta er veitt utan höfuðborgarsvæðisins.
    Gjaldliðir fyrir táknmálsnámskeið hafa einnig verið einfaldaðir og lagaðir að áætluðum tímafjölda í samræmi við samevrópska tungumálarammann (CEFR). Táknmálsfólk og nánustu aðstandendur þess er nú undanþegið greiðslu námskeiðsgjalda á öllum táknmálsnámskeiðum stofnunarinnar en ekki aðeins á fjölskyldunámskeiðum.
    Vísað er til gjaldskrár Samskiptamiðstöðvar heyrnarlausra og heyrnarskertra, nr. 790/2024, sem birt er á vefnum island.is.