Ferill 514. máls. Aðrar útgáfur af skjalinu: PDF - Microsoft Word.

157. löggjafarþing 2025–2026.
Þingskjal 872  —  514. mál.
Stjórnarfrumvarp.


Frumvarp til laga


um breytingu á lögum um fullnustu refsinga, nr. 15/2016
(brottvísun og afplánun erlendra fanga).

Frá dómsmálaráðherra.


1. gr.

    Á eftir orðinu „fanga“ í 1. málsl. 1. mgr. 31. gr. laganna, kemur: ef ekki liggur fyrir ákvörðun um að vísa honum úr landi að afplánun lokinni.

2. gr.

    Við 33. gr. laganna bætist við nýr töluliður, svohljóðandi: Að ekki liggi fyrir ákvörðun um að vísa fanga úr landi að afplánun lokinni.

3. gr.

    2. málsl. 3. mgr. 80. gr. laganna orðast svo: Sama gildir liggi fyrir endanleg ákvörðun á stjórnsýslustigi um að vísa fanga úr landi að afplánun lokinni.

4. gr.

    Við lögin bætist nýtt ákvæði til bráðabirgða, svohljóðandi:
    Þrátt fyrir 3. mgr. 80. gr. er heimilt að veita fanga lausn til reynslu þegar einn þriðji hluti refsitímans er liðinn, liggi fyrir endanleg ákvörðun á stjórnsýslustigi um að vísa honum úr landi að afplánun lokinni.
    Ákvæði þetta nær til allra þeirra dóma sem kveðnir hafa verið upp fyrir gildistöku ákvæðis þessa og þegar eru komnir til fullnustu til Fangelsismálastofnunar, sem og allra annarra dóma sem stofnuninni berast fyrir 1. júlí 2027.
    Ákvæði þetta fellur úr gildi 1. júlí 2027.

5. gr.

    Lög þessi öðlast þegar gildi.

Greinargerð.

Hér er efni sem sést aðeins í pdf-skjalinu.