Ferill 635. máls. Aðrar útgáfur af skjalinu: PDF - Word Perfect.
157. löggjafarþing 2025–2026.
Þingskjal 1129 — 635. mál.
Fyrirspurn
til fjármála- og efnahagsráðherra um skatta- og gjaldahækkanir.
Frá Nönnu Margréti Gunnlaugsdóttur.
1. Hvernig skiptist áætluð tekjuaukning ríkissjóðs vegna neðangreindra skatta- og gjaldahækkana niður eftir mánuðum eða ársfjórðungum:
a. veiðigjöld (7,6 milljarðar kr.),
b. vörugjöld á ökutæki (7,5 milljarðar kr.),
c. afnám samnýtingar þrepa (2,8 milljarðar kr.),
d. kílómetragjald (3,3 milljarðar kr.),
e. fjármagnstekjuskattur, hækkun á leigutekjur (1,6 milljarðar kr.),
f. fjármagnstekjuskattur, afnám persónuafsláttar (0,7 milljarðar kr.)?
2. Ef slík áætlun er ekki til, hvernig metur ráðuneytið að hækkanirnar skiptist á ársfjórðunga þannig að hægt sé að gera samanburð á milli áætlunar og rauntalna?
3. Að hve stórum hluta hafa tekjur vegna tilgreindra skatta- og gjaldahækkana skilað sér í ríkissjóð á fyrsta ársfjórðungi þessa árs, sundurliðað eftir tilgreindum skatta- og gjaldahækkunum?
4. Hve stór hluti af áætluðum tekjum ríkissjóðs 2026 vegna tilgreindra skatta- og gjaldahækkana er áætlað að komi til innheimtu á árinu 2027 og hvernig skiptast þær tekjur niður eftir tilgreindum skatta- og gjaldahækkunum?
Skriflegt svar óskast.
