Ferill 639. máls. Aðrar útgáfur af skjalinu: PDF - Word Perfect.
157. löggjafarþing 2025–2026.
Þingskjal 1185 — 639. mál.
Svar
fjármála- og efnahagsráðherra við fyrirspurn frá Þorsteini B Sæmundssyni um fulltrúa á aðalfundi Landsbanka Íslands hf.
1. Hverjir áttu seturétt á aðalfundi Landsbanka Íslands hf. hinn 18. mars sl.?
Samkvæmt samþykktum Landsbanka Íslands hf. og fundargerð aðalfundarins áttu eftirfarandi aðilar seturétt á fundinum:
– Hluthafar, persónulega eða samkvæmt umboði.
– Bankaráð.
– Bankastjóri.
– Endurskoðandi bankans.
– Aðrir fundargestir með samþykki fundarstjóra (án atkvæðisréttar).
2. Hverjir voru fulltrúar eigenda 98,2% hlutafjár bankans, sem er í eigu ríkisins, á fundinum?
Gylfi Þorsteinn Gunnlaugsson, sérfræðingur í fjármála- og efnahagsráðuneytinu, fór með atkvæðisrétt ríkisins fyrir hönd ráðherra á fundinum samkvæmt umboði.
3. Hvernig voru fulltrúarnir valdir?
Val á fulltrúum ríkisins var í höndum fjármála- og efnahagsráðherra, sem fer með eignarhlut ríkisins. Eignamál ríkisins, þ.m.t. eignarhald félaga og undirbúningur og framkvæmd eigendastefnu ríkisins gagnvart hluta- og sameignarfélögum í eigu ríkisins, eru hluti af verkefnum skrifstofu stjórnunar og umbóta. Ráðherra veitir að jafnaði tilteknum starfsmönnum ráðuneytisins umboð til að fara með setu og atkvæðisrétt ríkisins á aðalfundum fyrirtækja sem ríkið á hlut í. Fyrir slíka fundi er farið yfir dagskrárliði fundar og afgreiðslu þeirra innan ráðuneytisins. Þetta er hefðbundið verklag í umsýslu ríkisins á hlutafélögum.
