Ferill 322. máls. Aðrar útgáfur af skjalinu: PDF - Word Perfect.

157. löggjafarþing 2025–2026.
Prentað upp.

Þingskjal 1268  —  322. mál.
Viðbót.

Síðari umræða.


Breytingartillaga


við tillögu til þingsályktunar um samgönguáætlun fyrir árin 2026–2040 ásamt fimm ára aðgerðaáætlun fyrir árin 2026–2030.

Frá meiri hluta umhverfis- og samgöngunefndar (MRK, ÁBH, DBE, GMJ, SHP).

     1.      Við II. kafla, Markmið, áherslur og aðgerðir.
                  a.      Á eftir orðunum „jákvæðri byggðaþróun“ í 1. málsl. 1. mgr. komi: og bættri lýðheilsu og lífsgæðum.
                  b.      9. tölul. 1. mgr. orðist svo: Samdráttur í staðbundnum umhverfisáhrifum samgangna og efling lýðheilsu með markvissri þróun ferðavenja og samgönguumhverfis.
                  c.      Á eftir orðunum „breyttum ferðavenjum“ í b-lið 2. kafla, Markmið um greiðar samgöngur, komi: og aukinni daglegri hreyfingu almennings.
                  d.      Á eftir 5. kafla, Markmið um jákvæða byggðaþróun, komi nýr kafli, svohljóðandi:
                  6. Markmið um samgöngur sem styðja lýðheilsu og lífsgæði.
                      Samgöngukerfið stuðli að bættri lýðheilsu með því að styðja virka ferðamáta, bæta loftgæði, draga úr hávaða og auka öryggi og aðgengi allra að öruggu og heilsueflandi samgönguumhverfi. Samgönguáætlanir taki mið af áhrifum samgangna á heilsu og lífsgæði íbúa og stuðli að aukinni daglegri hreyfingu í samræmi við samþættingu samgöngu- og lýðheilsustefnu stjórnvalda.
                      Áherslur:
                      a.      Stuðlað verði að aukinni hlutdeild virkra ferðamáta, svo sem göngu og hjólreiða, í daglegum ferðum.
                      b.      Samgönguáætlanir taki markvisst mið af áhrifum samgangna á loftgæði og hljóðvist í byggð.
                      c.      Við skipulag samgangna- og samgöngumannvirkja verði stuðlað að öruggu aðgengi barna og ungmenna að skóla-, íþrótta- og frístundastarfi.
                      d.      Samgöngukerfið styðji möguleika eldri borgara og fatlaðs fólks til sjálfstæðrar hreyfingar.
                      e.      Markvisst verði unnið að því að samþætta samgönguáætlanir og lýðheilsustefnu stjórnvalda.
                      f.      Reglulega verði fylgst með áhrifum samgangna á lýðheilsu með mælanlegum vísum og taki m.a. til öryggis, greiðleika samgangna, ferðavenja, aðgengis, lýðheilsu, loftgæða og hljóðvistar.
     2.      Við kaflann Aðgerðaáætlun 2026–2030.
                  a.      Við 1. kafla, Markmið um öryggi í samgöngum, bætist nýir liðir, svohljóðandi:
                  1.10. Áætlun um uppbyggingu hjólastíga innan þéttbýliskjarna á landsbyggðinni.
                      Stutt verði við áætlanir um stofnstíganet hjólreiða í þéttbýli utan höfuðborgarsvæðisins í samstarfi við sveitarfélög með hliðsjón af umferðaröryggi, skólasókn, vinnusókn og daglegum ferðum.
                      Ábyrgð: Innviðaráðuneytið og Vegagerðin í samstarfi við sveitarfélög.

                  1.11. Ferjuáætlun.
                      Mótuð verði ferjuáætlun sem setur fram heildstæða stefnu um framtíð ferjusamgangna, þ.m.t. tímasetta framkvæmda- og kostnaðaráætlun um endurnýjun ferjuflotans með tilliti til samgönguþarfa, umhverfissjónarmiða og orkuskipta.
                      Ábyrgð: Innviðaráðuneytið og Vegagerðin.

                  1.12. Samgönguinnviðir sem hluti af þjóðaröryggi.
                      Unnið verði að heildstæðri greiningu á hlutverki samgönguinnviða í þjóðaröryggi og með hliðsjón af áfallaþoli og varnarskuldbindingum Íslands m.a. hvað varðar varnartengda innviði, flutningsgetu innan lands og tengingar við alþjóðlegt samgöngukerfi, flugvelli og hafnir. Við forgangsröðun framkvæmda verði sérstaklega horft til tvíþættra nota, rekstraröryggis og viðnámsþols lykilinnviða.
                      Ábyrgð: Innviðaráðuneytið í samvinnu við utanríkisráðuneytið og dómsmálaráðuneytið.

                  1.13. Varaflugvallageta fyrir millilandaflug.
                      Unnið verði að undirbúningi og greiningu og tekin stefnumótandi ákvörðun um framtíðarfyrirkomulag varaflugvalla fyrir millilandaflug á suðvesturhorni landsins með það að markmiði að tryggja nægilega getu varaflugvallakerfisins miðað við áætlanir um aukningu í flugi, tryggja rekstraröryggi alþjóðaflugs óháð aðstæðum, viðnámsþol samgöngukerfis landsins og viðbótargetu til að bregðast við öryggisógnum. Samhliða verði unnið að eflingu varaflugvallahlutverks flugvallanna á Akureyri og Egilsstöðum með hliðsjón af hlutverki þeirra í flugöryggi, almannavörnum og viðnámsþoli samgöngukerfisins.
                      Ábyrgð: Innviðaráðuneytið.

                  1.14. Náttúruvá, viðnámsþróttur og seigla.
                      Unnið verði að heildstæðri greiningu á áhrifum náttúruvár á lykilsamgönguinnviði á suðvesturhorni landsins, m.a. með hliðsjón af langtímaáhættumati vegna eldfjallavár. Greiningin taki til berskjöldunar innviða, möguleika á vernd, mótvægisaðgerða, varaleiða og þarfar fyrir tvöföldun lykiltenginga og innviða.
                      Ábyrgð: Innviðaráðuneytið.

                  1.15. Viðbragðshópur um samgöngurof.
                      Skipaður verði viðbragðshópur sem hefur það hlutverk að skoða möguleg viðbrögð til að draga úr tjóni og áhrifum á íbúa og atvinnulíf og miðla upplýsingum þegar og ef rof verður á samgöngum til samfélaga. Hópurinn verði skipaður fulltrúum frá innviðaráðuneytinu og Vegagerðinni og fulltrúum byggðarlags hverju sinni.
                      Ábyrgð: Innviðaráðuneytið og Vegagerðin.
                  b.      Við 2. kafla, Markmið um greiðar samgöngur, bætist nýr liður, svohljóðandi:
                  2.8. Flugvallarstæði á norðanverðum Vestfjörðum.
                      Rannsökuð verði hagstæð staðsetning á nýju flugvallarstæði á norðanverðum Vestfjörðum.
                      Ábyrgð: Innviðaráðuneytið.
                  c.      Við 3. kafla, Markmið um hagkvæmar samgöngur.
                      1.      Á eftir orðinu „ökutækjaskrá“ í lið 3.5, Umbætur í umferðarmælingum, komi: og nýtingu gagna til reglubundinnar vöktunar á ferðavenjum og þróun samgönguumhverfis.
                      2.      Við bætist tveir nýir liðir, svohljóðandi:
                          3.9. Samþætting skólaaksturs og almenningssamgangna á landsbyggðinni.
                              Unnin verði greining á möguleikum á samþættingu skólaaksturs og landsbyggðarvagna almenningssamgöngukerfisins.
                              Ábyrgð: Innviðaráðuneytið og Vegagerðin í samráði við sveitarfélög.

                          3.10. Fjárfestingarþörf og innviðaskuld í samgöngumálum.
                              Við vinnu næstu grænbókar verði lagt heildstætt mat á þörf fyrir innviðafjárfestingu, viðhald og rekstur innviða og almenningssamgangna til framtíðar, svo að skapa megi breiða sátt um þá stefnumörkun og fjármögnun. Inn í þá vinnu komi markmið samgönguáætlunar, samgöngusáttmáli höfuðborgarsvæðisins, jarðgangaáætlun o.fl., auk sjónarmiða um náttúruvá, varnartengda hagsmuni og öryggi í samgöngum, jafnt á vegum, á sjó og í flugi.
                              Ábyrgð: Innviðaráðuneytið.
                  d.      Við 4. kafla, Markmið um umhverfislega sjálfbærar samgöngur.
                      1.      Við 1. málsl. í lið 4.1, Val á ferðamáta í samgöngum, bætist: og metin verði áhrif ferðamátavals á lýðheilsu, loftgæði og hljóðvist í byggð.
                      2.      Við 2. málsl. í lið 4.6, Umhverfisáhrif flugvalla, bætist: og áhrif á lýðheilsu metin eftir því sem við á.
                      3.      Á eftir lið 4.8, Hafnir sem orkumiðstöðvar, komi tíu nýir liðir, svohljóðandi:
                          4.9. Landsnet virkra ferðamáta.
                              Unnið verði að kortlagningu og skilgreiningu landsnets virkra ferðamáta með það að markmiði að tryggja samfelldar og öruggar tengingar fyrir gangandi, hjólandi og notendur smáfarartækja innan og milli byggðarkjarna og við helstu skiptistöðvar almenningssamgangna.
                              Ábyrgð: Innviðaráðuneytið og Vegagerðin í samstarfi við sveitarfélög.

                          4.10. Samstarfsrammi ríkis og sveitarfélaga um stígakerfi utan höfuðborgarsvæðisins.
                              Mótaður verði samstarfsrammi ríkis og sveitarfélaga um uppbyggingu samfelldra stígakerfa fyrir virka ferðamáta utan höfuðborgarsvæðisins með það að markmiði að styrkja öruggar tengingar innan þéttbýlisstaða og milli þeirra og við almenningssamgöngur.
                              Ábyrgð: Innviðaráðuneytið og Vegagerðin í samstarfi við sveitarfélög.

                          4.11. Öruggir ferðamátar barna til skóla.
                              Unnið verði að greiningu og forgangsröðun aðgerða sem stuðla að auknu öryggi virkra ferðamáta barna á leið til skóla í samstarfi við sveitarfélög og skólayfirvöld.
                              Ábyrgð: Innviðaráðuneytið og Vegagerðin í samstarfi við sveitarfélög.

                          4.12. Samþætting virkra ferðamáta og almenningssamgangna.
                              Unnið verði að því að bæta samþættingu virkra ferðamáta og almenningssamgangna, m.a. með uppbyggingu aðstöðu fyrir hjól og smáfarartæki við skiptistöðvar almenningssamgangna og með bættri tengingu stígakerfa við helstu samgöngumiðstöðvar.
                              Ábyrgð: Innviðaráðuneytið og Vegagerðin í samstarfi við sveitarfélög, Betri samgöngur og rekstraraðila almenningssamgangna.

                          4.13. Mælikvarðar fyrir virka ferðamáta og lýðheilsu.
                              Unnið verði að þróun mælikvarða um hlutdeild virkra ferðamáta og áhrif þeirra á lýðheilsu, loftgæði og ferðavenjur í samgöngum í samstarfi við viðeigandi fagstofnanir.
                              Ábyrgð: Innviðaráðuneytið.

                          4.14. Áætlun um eflingu almenningssamgangna á stofnleiðum.
                              Unnin verði áætlun um eflingu almenningssamgangna á helstu stofnleiðum landsins með það að markmiði að skapa raunhæfan og samkeppnishæfan valkost við einkabíl, m.a. á leiðum þar sem fyrirhugað er að taka upp gjaldtöku vegna notkunar samgönguinnviða. Í áætluninni verði m.a. horft til tíðni ferða, ferðatíma, samþættingar leiðakerfa, tenginga við vinnusóknarsvæði og aðgengis að lykilþjónustu.
                              Ábyrgð: Innviðaráðuneytið.

                          4.15. Efling almenningssamgangna á svæðinu milli Hvítár og Hvítár.
                              Unnin verði sérstök aðgerðaáætlun um eflingu almenningssamgangna á svæðinu milli Hvítár í Borgarfirði og Hvítár í Árnessýslu með það að markmiði að styrkja samgöngur innan vinnusóknarsvæðisins og tengingar við höfuðborgarsvæðið. Í áætluninni verði m.a. horft til tíðni ferða, samþættingar leiðakerfa, tenginga við skóla- og þjónustukjarna og samspils við aðrar almenningssamgöngur.
                              Ábyrgð: Innviðaráðuneytið og Vegagerðin í samstarfi við sveitarfélög á svæðinu.

                          4.16. Efling almenningssamgangna á Eyjafjarðarsvæðinu.
                              Unnin verði sérstök aðgerðaáætlun um eflingu almenningssamgangna á Eyjafjarðarsvæðinu á grundvelli borgarstefnu stjórnvalda, með það að markmiði að styrkja samgöngur innan svæðisins sem sameiginlegs vinnusóknar- og þjónustusvæðis. Í áætluninni verði m.a. horft til samþættingar leiðakerfa, tenginga við helstu atvinnu-, mennta- og þjónustukjarna og samspils við aðrar almenningssamgöngur milli byggða.
                              Ábyrgð: Innviðaráðuneytið og Vegagerðin í samstarfi við sveitarfélög á svæðinu.

                          4.17. Almenningssamgöngur milli höfuðborgarsvæðisins og Keflavíkurflugvallar.
                              Unnin verði heildstæð samantekt á fyrirliggjandi greiningum og tillögum um eflingu almenningssamgangna milli höfuðborgarsvæðisins og Keflavíkurflugvallar. Á grundvelli þeirrar vinnu verði metnir valkostir til framtíðar, þar á meðal hraðvagnakerfi sem nýtir innviði Borgarlínu og mögulegar lestarsamgöngur til flugvallarins, m.a. með hliðsjón af tengingum við helstu samgöngumiðstöðvar á höfuðborgarsvæðinu.
                              Ábyrgð: Innviðaráðuneytið, Vegagerðin og Isavia í samstarfi við sveitarfélög á höfuðborgarsvæðinu.

                          4.18. Samgöngumiðstöð Reykjavíkur – fyrir almenningssamgöngur í tengslum við Miklubraut í jarðgöngum.
                              Unnið verði að frekari greiningu og undirbúningi samgöngumiðstöðvar fyrir almenningssamgöngur í rými við vestari munna fyrirhugaðra jarðganga Miklubrautar, með það að markmiði að styrkja tengingar rútusamgangna frá Keflavíkurflugvelli og frá landsbyggðinni við almenningssamgöngukerfi höfuðborgarsvæðisins. Við undirbúning verði sérstaklega horft til þess að á yfirborði svæðisins er fyrirhuguð umfangsmikil skiptistöð Borgarlínu og Strætós og að þar skapist tækifæri til að efla samþættingu almenningssamgangna á landsvísu.
                              Ábyrgð: Innviðaráðuneytið og Vegagerðin í samstarfi við Betri samgöngur og Reykjavíkurborg.
                  e.      Á eftir 5. kafla, Markmið um jákvæða byggðaþróun, komi nýr kafli, svohljóðandi:
                  6. Markmið um samgöngur sem styðja lýðheilsu og lífsgæði.
                  6.1. Mælanlegir árangursvísar samgönguáætlunar.
                      Skilgreindir verði mælanlegir árangursvísar fyrir markmið samgönguáætlunar þar sem þeirra nýtur ekki þegar við. Árangursvísar taki eftir því sem við á m.a. til öryggis, greiðleika samgangna, ferðavenja, aðgengis, lýðheilsu, loftgæða og hljóðvistar. Jafnframt verði komið á reglubundinni eftirfylgni og birtingu upplýsinga um framvindu markmiða samgönguáætlunar.
                      Ábyrgð: Innviðaráðuneytið í samstarfi við Vegagerðina og Samgöngustofu.

                  6.2. Samgönguumhverfi og ferðavenjur.
                      Unnin verði reglubundin greining á þróun ferðavenja og samgönguumhverfis með hliðsjón af áhrifum samgangna á lýðheilsu, loftgæði, hljóðvist og aðgengi. Á grundvelli greiningarinnar verði mótaðar tillögur að aðgerðum sem stuðla að aukinni hlutdeild virkra ferðamáta í daglegum ferðum og bættri lýðheilsu.
                      Ábyrgð: Innviðaráðuneytið og Vegagerðin í samstarfi við sveitarfélög.
     3.      Við töflu 6.
                  a.      Í stað tölunnar „305.017“ í töflunni „Fjármál Vegagerðarinnar“ komi: 305.368.
                  b.      Í stað tölunnar „9.998“ í töflunni „Fjármál Vegagerðarinnar, framhald“ komi: 9.968.
                  c.      Í stað tölunnar „150.434“ í töflunni „Fjármál Vegagerðarinnar, framhald“ komi: 150.404.

                  d.      Liðurinn „Framkvæmdir við vita og hafnir“ og samtala í töflunni „Fjármál Vegagerðarinnar, framhald“ orðist svo:

Framkvæmdir við vita og hafnir 631 623 617 611 605 10.100 10.100 23.287
Vitabyggingar 30 30 30 30 30 150 150 450
Sjóvarnargarðar (sjá sundurliðun í töflu 10) 181 173 159 150 144 800 800 2.407
Landeyjahöfn 30 30 30 30 30 150 150 450
Hornafjörður – Dýpkun á Grynnslunum 250 250 250 251 251 1.250 1.250 3.752
Ferjubryggjur og leiðarmerki 300 300 878
Umsjón leiðarmerkja 20 20 20 20 20
Viðhald mannvirkja og öryggisaðgerðir 30 30 10 10 10
Hrísey – ferjurampur 26
Vestmannaeyjar – Ekjubrú Herjólfs 2 30 30
Hafna- og strandrannsóknir 90 90 90 90 90 450 450 1.350
Skip til ferjusiglinga 0 0 0 0 0 7.000 7.000 14.000
Samtals
Vegagerðin 10-211 55.137 55.200 54.465 54.661 54.354 318.800 318.800 911.417

          4.      Við töflu 7.
             a.      Taflan „Suðursvæði“ orðist svo:
Tafla 7. Vegáætlun 2026–2040 – sundurliðun nýframkvæmda.
Vísitala áætlana 25.050.
Suðursvæði.
Eftirstöðvar
Lengd kostnaðar
Vegnr. Vegheiti kafla 1.1.2026 2031– 2036– Óvissa kostnaðar- Hönnunar-
Kaflanr. Kaflaheiti [km] [m.kr.] 2026 2027 2028 2029 2030 2035 2040 áætlunar stigi lokið
Undirbúningur verka utan áætlunar 130 130 130 130 130 650 650
1 Hringvegur
a3–a4 Fossálar – Breiðbalakvísl 12 3.400 3.400 -15/+40% Frumdr./Forh.
b2 Um Reynisfjall 3,3 1.900 1.900 -15/+40% Frumdrög
b8–d1 Markarfljót – Þjórsá** 49,5 37.900 1.500 -30/+85% Skilgreining
d2 Þjórsá – Selfoss** 15,4 11.800 440 11.360 -30/+85% Skilgreining
d2–d5 Um Ölfusá* 5 10.000 6.000 2.500 1.500 -10/+25% Forhönnun
d2–d5 Um Ölfusá, umsjón framkvæmdar 600 250 250 250
d6–d8 Varmá – Kambar** 3 4.700 450 1.900 2.350 -5/+15% Verkhönnun
23 Búðafossvegur
01 Hlutur ríkis í framkvæmd 7 2.850 2.850 -5/+15% Verkhönnun
32 Þjórsárdalsvegur
02 Hlutur ríkis í framkvæmd 7 150 150 -5/+15% Verkhönnun
35 Biskupstungnabraut
08 Um Geysissvæðið og Tungufljót 5 1.900 1.900 -30/+85% Skilgr./Frumdr.
35 Kjalvegur
12-13 Kattarhryggur – Kerlingarfjallav. 26 1.300 1.300 -30/+85% Skilgreining
39 Þrengslavegur
01 Um Skógarhlíðarbrekkur 2 1.300 650 650 -10/+25% Forhönnun
41 Reykjanesbraut
19-21 Hafnarvegur – Garðskagavegur 4,7 6.200 6.200 -15/+40% Frumdrög
43 Grindavíkurvegur
01 Reykjanesbraut – Seltjörn 1,9 600 600 -30/+85% Skilgreining
Samtals suðursvæði 9.380 2.880 1.880 1.230 2.680 18.740 13.510
* Framkvæmdir við Hringveg um Ölfusá verði fjármagnaðar með gjaldtöku. Verkefni verði vísað til innviðafélags.
** Verkefnið er þegar hluti af samgönguáætlun og fjármagnað innan hennar, en er jafnframt skilgreint sem verkefni sem getur komið til skoðunar í samningum við innviðafélag um aðra fjármögnun og framkvæmd, enda uppfylli það skilyrði laga um innviðafélag, þ.m.t. um fjárhagslega sjálfbærni, markaðspróf, hjáleið og fullnægjandi almenningssamgöngur sem valkost.


             b.      Taflan „Höfuðborgarsvæði“ orðist svo:
Höfuðborgarsvæði.
Eftirstöðvar
Lengd kostnaðar Óvissa Hönnunar-
Vegnr. Vegheiti kafla 1.1.2026 2031– 2036– kostnaðar- stigi
Kaflanr. Kaflaheiti [km] [m.kr.] 2026 2027 2028 2029 2030 2035 2040 áætlunar lokið
Undirbúningur verka utan áætlunar 80 82 130 130 130 650 650
1 Hringvegur
e1–e2 Gunnarshólmi – Hólmsá 1,3 1170 980 190 -5/+15% Verkhönnun
e1–e2 Hólmsá – Bæjarháls** 5,5 13.000 1.450 8.235 3.315 -10/+25% Forh./Verkh.
f5 Þingvallavegur – Esjumelar 2,3 3.700 3.700 -30/+85% Skilgreining
f5 Um Kjalarnes** 5 6.350 150 2.100 2.100 2.000 -5/+15% Verkhönnun
36 Þingvallavegur
12 Í Mosfellsdal 700 700 -15/+40% Frumdrög
41 Reykjanesbraut
15 Krýsuvíkurvegur – Hvassahraun 5,6 175 175 -5/+15% Verkhönnun
410 Elliðavatnsvegur
02 Reykjanesbraut – Austurkór, undirbún. 7 100 50 50 -30/+85% Skilgreining
413 Breiðholtsbraut
01 Hringvegur – Vatnsendahvarf 2 4.000 4.000 -30/+85% Skilgr./Frumdr.
450 Sundabraut*
450 Sundabraut, umsjón framkvæmdar 1.500 500 500 500
Bætt umferðarflæði og öryggisaðgerðir 400 400 400 400 400 2.000 2.000
Samtals höfuðborgarsvæði 1.355 4.112 4.020 2.530 1.980 10.885 13.665
* Framkvæmdir við Sundabraut verði fjármagnaðar með gjaldtöku. Verkefni verði vísað til innviðafélags.
** Verkefnið er þegar hluti af samgönguáætlun og fjármagnað innan hennar, en er jafnframt skilgreint sem verkefni sem getur komið til skoðunar í samningum við innviðafélag um aðra fjármögnun og framkvæmd, enda uppfylli það skilyrði laga um innviðafélag, þ.m.t. um fjárhagslega sjálfbærni, markaðspróf, hjáleið og fullnægjandi almenningssamgöngur sem valkost.


              c. Taflan „Vestursvæði“ orðist svo:
Vestursvæði.
Eftirstöðvar
Lengd kostnaðar Óvissa Hönnunar-
Vegnr. Vegheiti kafla 1.1.2026 2031– 2036– kostnaðar- stigi
Kaflanr. Kaflaheiti [km] [m.kr.] 2026 2027 2028 2029 2030 2035 2040 áætlunar lokið
Undirbúningur verka utan áætlunar 130 130 130 130 130 650 650
1 Hringvegur
g1–g5 Akrafjallsvegur – Borgarnes* 32,5 21.500 3.800 14.355 -15/+40% Frumdrög
g6–g7 Um Borgarnes* 4,5 6.500 2.100 4.400 -30/+85% Skilgr./Frumdr.
j1 Um Holtavörðuvatn 7,5 1.400 1.400 -15/+40% Frumdrög
52 Uxahryggjavegur
04 Brautartunga – Kaldadalsvegur 22 3.100 1.700 1.400 -15/+40% Frumdrög
54 Snæfellsnesvegur
18 Stykkishólmsvegur – Svelgsá 5 750 500 250 -10/+25% Forhönnun
18-22 Skógarströnd 45 11.800 300 300 750 6.680 3.770 -30/+85% Skilgr./Frumdr.
60 Vestfjarðavegur
25-28 Um Gufudalssveit 9,1 4.200 3.000 1.200 -5/+15% Verkhönnun
35-37 Dynjandisheiði 7,3 1.450 1.450 -5/+15% Verkhönnun
63 Bíldudalsvegur
04-05 Bíldudalsflugv. – Trostansfj. 18 4.400 4.400 -15/+40% Frumdrög
05-06 Trostansfj. – Vestfjarðavegur 10,7 2.500 250 900 1.060 290 -15/+40% Frumdrög
64 Flateyrarvegur
01 Ýmsir staðir, snjóflóðavarnir 5 1.250 1.250 -30/+85% Skilgr./Frumdr.
68 Innstrandavegur
10 Heydalsá – Þorpar 5 600 600 -10/+25% Forhönnun
643 Strandavegur
06 Um Veiðileysuháls 5 1.500 1.500 -10/+25% Forhönnun
Samtals vestursvæði 5.080 1.830 1.330 1.490 1.770 22.080 25.975
* Verkefnið er þegar hluti af samgönguáætlun og fjármagnað innan hennar, en er jafnframt skilgreint sem verkefni sem getur komið til skoðunar í samningum við innviðafélag um aðra fjármögnun og framkvæmd, enda uppfylli það skilyrði laga um innviðafélag, þ.m.t. um fjárhagslega sjálfbærni, markaðspróf, hjáleið og fullnægjandi almenningssamgöngur sem valkost.


              d. Taflan „Norðursvæði“ orðist svo:
Norðursvæði.
Eftirstöðvar
Lengd kostnaðar Óvissa Hönnunar-
Vegnr. Vegheiti kafla 1.1.2026 2031– 2036– kostnaðar- stigi
Kaflanr. Kaflaheiti [km] [m.kr.] 2026 2027 2028 2029 2030 2035 2040 áætlunar lokið
Undirbúningur verka utan áætlunar 130 130 130 130 130 650 650
1 Hringvegur
p4/p6 Þelamörk – Akureyri* 9,5 5.900 5.900 -15/+40% Frumdrög
q6 Um Skjálfandafljót 1,5 1.700 300 1.400 -5/+15% Verkhönnun
r6 Jökulsá á Fjöllum 5 3.600 2.000 1.600 -30/+85% Skilgr./Frumdr.
76 Siglufjarðarvegur
08 Stafá – Ketilás 13 2.700 600 1.900 200 -15/+40% Frumdrög
85 Norðausturvegur
02-03 Um Skjálfandafljót 9,5 4.750 100 1.300 1.550 1.800 -15/+25% Forhönnun
27 Brekknaheiði 7,6 1.040 460 580 -5/+15% Verkhönnun
711 Vatnsnesvegur og Síðuvegur
Ýmsir staðir 62 7.500 365 400 700 500 5.535 -30/+85% Skilgr./Frumdr.
842 Bárðardalsvegur vestri
01 Hringvegur – Öxará 3 660 530 130 -5/+15% Verkhönnun
01-04 Öxará – Sprengisandsleið 34 4.800 1.900 2.900 -30/+85% Skilgreining
Samtals norðursvæði 1.220 2.505 2.080 3.230 2.830 11.685 11.050
* Verkefnið er þegar hluti af samgönguáætlun og fjármagnað innan hennar, en er jafnframt skilgreint sem verkefni sem getur komið til skoðunar í samningum við innviðafélag um aðra fjármögnun og framkvæmd, enda uppfylli það skilyrði laga um innviðafélag, þ.m.t. um fjárhagslega sjálfbærni, markaðspróf, hjáleið og fullnægjandi almenningssamgöngur sem valkost.


              e. Taflan „Austursvæði“ orðist svo:
Austursvæði.
Eftirstöðvar
Lengd kostnaðar Óvissa Hönnunar-
Vegnr. Vegheiti kafla 1.1.2026 2031– 2036– kostnaðar- stigi
Kaflanr. Kaflaheiti [km] [m.kr.] 2026 2027 2028 2029 2030 2035 2040 áætlunar lokið
Undirbúningur verka utan áætlunar 130 130 130 130 131 650 650
1 Hringvegur
t3 Lagarfljót 4,5 4.900 4.900 -30/+85% Skilgreining
t7 Um Grænafell, snjóflóðavarnir 0,4 580 580 -30/+85% Skilgreining
u0 Um Reyðarfjarðarbotn 1,7 2.020 1.040 980 -15/+40% Frumdrög
u3-u4 Fáskrúðsfjarðarbotn – Vík 13 2.700 2.700 -15/+40% Frumdrög
u5 Vík – Stöðvarfjörður 12,5 1.850 1.850 -15/+40% Frumdrög
u7 Stöðvarfj. – Kambaskriður 9,3 2.100 300 1.800 -15/+40% Frumdrög
v6 Um Teigarhorn og Búlandsá 3,9 1.350 1.065 285 -30/+85% Skilgreining
x3-x4 Um Lón 16 5.200 5.200 -30/+85% Skilgr./Frumdr.
x6-x9 Um Hornafjarðarfljót 18 550 550 -5/+15% Verkhönnun
x6-x7 Hringtorg við Hafnarveg við Jökulsá, færsla vegar og 500 500 -5/+15% Verkhönnun
y3 sjóvörn 2,5 300 300 -30/+85% Skilgreining
y3/y4 Um Jökulsá á Breiðamerkursandi 4 3.500 1.800 1.700 -30/+85% Skilgreining
y7-y9 Fagurhólsmýri – Morsá 20,5 5.000 3.350 1.650 -30/+85% Skilgr./Frumdr.
98 Djúpavogsvegur
01 Hringvegur – Djúpivogur 1 150 150 -30/+85% Skilgreining
923 Jökuldalsvegur
01 Langagerði – Grund 8,2 1.200 300 400 400 100 -15/+40% Frumdr./Forh.
931 Upphéraðsvegur
Um Strönd 1 100 100 -30/+85% Skilgreining
939 Axarvegur
01-02 Um Öxi 20,0 8.850 400 900 1.320 400 5.830 -10/+25% Forh./Verkh.
921 4 Stuðlafossvegur 2 200 200 -30/+85% Skilgreining
Samtals austursvæði 1.480 2.270 2.410 2.815 1.116 17.760 15.950
Samtals almenn verkefni 18.515 13.597 11.720 11.295 10.376 81.150 80.150



              f. Taflan „Jarðgangaáætlun*“ orðist svo:
Jarðgangaáætlun*.
Eftirstöðvar Óvissa Hönnunar-
Lengd kostnaðar 2031– 2036– kostnaðar- stigi
Vegnr. Heiti jarðganga [km] 1.1.2026 2026 2027 2028 2029 2030 2035 2040 áætlunar lokið
793 Fljótagöng 5,2 21.500 3.700 9.300 5.200 3.300 -15/+40% Frumdrög
Önnur jarðgöng skv. jarðgangaáætlun* 64.600 75.000 -30/+85% Skilgreining
Fáskrúðsfjarðargöng, 2.200
1-u2 endurbætur 2.200
793 Fljótagöng, undirbúningur 150 150
61 Súðavík – Ísafj., undirb. 70 70 60
Seyðisfj.- og Mjóafjarðarg., undirb. 70 70 60
60 Miklidalur, Hálfdán, undirbúningur 50 50 50
Tvöföldun Hvalfjarðarganga**
Göng undir Reynisfjall**
Göng undir Öxnadalsheiði**
Setbergsgöng í Hafnarfirði**
Önnur göng, undirb. 70 70 60
Samtals jarðgangaáætlun 410 410 230 0 0 0 0
Samtals utan fjárhagsramma 5.900 9.300 5.200 3.300 64.600 75.000
Fjárveiting til jarðgangaáætlunar innan fjárhagsramma er til undirbúnings og rannsókna.
* Verkefni verði vísað til innviðafélags.
** Verkefnið er tekið inn á samgönguáætlun sem verkefni til sérstakrar skoðunar í samningum við innviðafélag. Verkefnið er ekki fjármagnað innan samgönguáætlunar á þessu stigi og felur skráning þess ekki í sér skuldbindingu um framkvæmd. Framgangur verkefnisins er háður mati á fýsileika, fjármögnun, hagkvæmni, markaðsprófi, hjáleið, fullnægjandi almenningssamgöngum sem valkosti og samningum við innviðafélag.


              g. Taflan „Sameiginlegt“ orðist svo:
Sameiginlegt.
2031– 2036–
2026 2027 2028 2029 2030 2035 2040
Tengivegir, bundið slitlag 2.200 2.100 2.100 2.200 2.500 12.500 12.500
Breikkun brúa 500 0 500 0 500 5.000 5.000
Hjóla- og göngustígar 300 300 300 300 350 1.750 1.750
Stærri öryggisaðgerðir utan höfuðborgarsvæðis 300 300 300 300 300 1.500 2.500
Samgöngurannsóknir 20 20 20 20 20 100 100
Héraðsvegir 100 100 100 100 100 500 500
Landsvegir 170 170 170 170 180 900 900
Styrkvegir 100 100 100 100 100 500 500
Reiðvegir 100 100 100 100 100 500 500
Smábrýr 50 50 50 50 50 250 250
Girðingar 60 60 60 60 60 300 300
Sameiginlegur jarðgangakostnaður 10 10 10 10 10 50 50
Samtals sameiginlegt 3.910 3.310 3.810 3.410 4.270 23.850 24.850
Samtals nýframkvæmdir 16.835 14.817 14.260 14.705 14.646 105.000 105.000
Utan fjárhagsramma (hringvegur um Ölfusá) 6.000 2.500 1.500
Utan fjárhagsramma (jarðgangaáætlun) 5.900 9.300 5.200 3.300 64.600 75.000


          5.      Við bætist ný tafla, tafla 8, svohljóðandi:
Tafla 8. Samgöngusáttmálinn – Framkvæmdaáætlun uppfærðs samgöngusáttmála.
Verðlag samgöngusáttmálans.
Vegheiti 2026 2027 2028 2029 2030 2031–
2035 		2036–
2040 		Óvissa Hönnunar-
kostnaðar- stigi
Kaflaheiti áætlunar lokið
Hafnarfjarðarvegur
Stokkur í Garðabæ 200 6.600 6.000 -30/+85% Skilgr.
Reykjanesbraut
Holtavegur – Stekkjarbakki 400 5.100 6.200 6.200 6.400 -10/+25% Forh.
Gatnamót við Bústaðaveg 100 100 1.700 400 -15/+40% Frumdrög
Álftanesvegur – Lækjargata 200 200 1.000 2.600 4.600 11.200 -15/+40% Frumdr.
Miklabraut
Jarðgöng 300 300 20.650 33.250 -15/+40% Frumdr.
Bráðab.tenging við Landspít. 300 1.000 1.000
Arnarnesvegur
Rjúpnavegur – Breiðholtsbraut 2.100 -5/+15% Verkhönnun
Borgarlína
Ártún – Hamraborg – Hlemmur 6.200 6.200 6.200 6.200 5.400 5.300 -15/+40% Frumdr./forh.
Mjódd – BSÍ 200 1.000 2.100 8.100 5.600 -30/+70% Skilgreining
Fjörður – Miklabraut 19.600 -30/+70% Skilgreining
Hamraborg – Lindir 300 1.400 5.600 -30/+70% Skilgreining
Ártún – Spöng 600 11.000
Keldur og Blikastaðir 310 1.180 2.050 3.600 8.970 -30/+70% Skilgreining
Snúningur við Hörpu 100 500 500
Stöðvar utan sérrýmislotu 1–6 1.300 3.900 1.200
Undirbúningur verka 260 260 510 1.660
Hjóla- og göngustígar 1.300 1.300 1.300 1.300 3.300 20.700 3.500
Göngubrýr og undirgöng 200 200 200 200 200 1.000 500
Umferðarstýring, aukið umferðarflæði og öryggisaðgerðir 500 500 500 500 600 2.000 3.000
Samtals samgöngusáttmáli 12.460 15.570 18.180 22.250 30.410 126.280 53.050


         6. Liðurinn Múlaþing í töflunni „Framkvæmdir í höfnum í grunnneti“ í töflu 9 breytist og orðist svo:
Múlaþing
Seyðisfjörður: Lenging strandabakka (stálþil og þekja, 280 m, -10 m dýpi) 1.550 162,0 65,3 400,0 129,0 343,0 110,6 382,0 123,2 + 60%
Djúpivogur: Olíubryggja (harðviður), 50 m í -3m 170 30,0 14,5 + 60%