Ferill 312. máls. Aðrar útgáfur af skjalinu: PDF - Word Perfect.

157. löggjafarþing 2025–2026.
Þingskjal 1270  —  312. mál.
2. umræða.


Breytingartillaga


við frumvarp til laga um breytingu á lögum um atvinnuleysistryggingar og lögum um vinnumarkaðsaðgerðir (stytting bótatímabils o.fl.).

Frá Kolbrúnu Áslaugar Baldursdóttur.


    Við 48. gr. bætist ný málsgrein, svohljóðandi:
    Þrátt fyrir 1. mgr. öðlast 7. og 9. gr. gildi 1. september 2026 og 14. og 16. gr. 1. janúar 2027.

Greinargerð.

    Í því skyni að tryggja farsæla innleiðingu frumvarpsins er mikilvægt að veita Vinnumálastofnun nægilegt ráðrúm til að undirbúa innleiðingu. Því er lögð til frekari breyting á gildistöku frumvarpsins í samráði við félags- og húsnæðismálaráðuneytið. Lagt er til að breytt lágmarksskilyrði fyrir rétt til atvinnuleysistrygginga skv. 7. og 9. gr. frumvarpsins taki gildi frá og með 1. september 2026. Þá er lagt til að ákvæði frumvarpsins er varða breytingu á útreikningi atvinnuleysisbóta fyrir hvern dag skv. 14. og 16. gr. taki gildi 1. janúar 2027 til að veita Vinnumálastofnun ráðrúm til innleiðingar, svo sem í tengslum við breytingu á afgreiðslukerfum stofnunarinnar.