Ferill 685. máls. Aðrar útgáfur af skjalinu: PDF - Word Perfect.
157. löggjafarþing 2025–2026.
Þingskjal 1284 — 685. mál.
Fyrirspurn
til félags- og húsnæðismálaráðherra um húsnæðissjálfseignarstofnanir.
Frá Sigurði Erni Hilmarssyni.
1. Hversu margar eru húsnæðissjálfseignarstofnanir (óhagnaðardrifin leigufélög) á landinu, hvað heita þær og í hvaða sveitarfélögum hafa þær starfsemi?
2. Hversu margar íbúðir á hver húsnæðissjálfseignarstofnun og hversu margar eru í byggingu á vegum húsnæðissjálfseignarstofnana?
3. Hversu hátt stofnframlag hefur ríkið veitt hverri húsnæðissjálfseignarstofnun?
4. Hver á eigið fé sem myndast vegna matsbreytinga fjárfestingareigna í húsnæðissjálfseignarstofnunum?
5. Hvernig hefur eigið fé húsnæðissjálfseignarstofnana þróast árin 2018–2026?
6. Hvert er eigið fé þeirra húsnæðissjálfseignarstofnana sem hafa fengið stofnframlög frá ríkinu og hve stór hluti þess er vegna matsbreytinga fjárfestingareigna?
7. Er lögaðila, sem leigir út húsnæði sem byggt eða keypt var að heild eða hluta með stofnframlögum skv. III. kafla laga um almennar íbúðir, nr. 52/2016, heimilt að binda leigu við önnur atriði en fjárhagsstöðu leigjanda? Ef svo er, er lögaðila heimilt að gera félagsaðild leigjanda að skilyrði fyrir leigu húsnæðis?
Skriflegt svar óskast.
