Ferill 322. máls. Aðrar útgáfur af skjalinu: PDF - Word Perfect.

157. löggjafarþing 2025–2026.
Þingskjal 1287  —  322. mál.
Síðari umræða.


Breytingartillaga


við tillögu til þingsályktunar um samgönguáætlun fyrir árin 2026–2040 ásamt fimm ára aðgerðaáætlun fyrir árin 2026–2030.

Frá Njáli Trausta Friðbertssyni.


     1.      Eftirfarandi breytingar verði á liðnum „Akureyri – aðflugsljós“ í töflu 4, „Stofnkostnaður – sundurliðun“:
                  a.      Í dálkinum 2027 komi: 250.
                  b.      Í dálkinum 2028 komi: 182.
                  c.      Talan „432“ í dálkinum 2031–2035 falli brott.
     2.      Eftirfarandi breytingar verði á liðnum „Egilsstaðir – ný akbraut og flughlað“ í töflu 4, „Stofnkostnaður – sundurliðun“:
                  a.      Í stað tölunnar „422“ undir dálkinum 2026 komi: 700.
                  b.      Í stað tölunnar „389“ undir dálkinum 2027 komi 1.500.
                  c.      Í stað tölunnar „930“ í dálkinum 2028 komi: 1.000.
                  d.      Talan „742“ í dálkinum 2029 falli brott.
                  e.      Talan „717“ í dálkinum 2030 falli brott.
     3.      Samtölur í töflu 4, „Stofnkostnaður – sundurliðun“, breytist til samræmis.

Greinargerð.

    Í fyrirliggjandi tillögu til þingsályktunar um samgönguáætlun er gert ráð fyrir því að aðflugsljós fyrir braut 19 á Akureyrarflugvelli verði sett upp á öðru tímabili áætlunarinnar, þ.e. 2031–2035. Lagt er til að því verði flýtt og framkvæmdatími verði 2027–2028 og lagt til að allt fjármagn, 432 millj. kr., verði fært til samræmis.
    Í tillögunni er einnig gert ráð fyrir því að framkvæmdir við akbraut við norðurenda flugbrautarinnar á Egilsstaðaflugvelli hefjist nú á fyrsta tímabili nýrrar samgönguáætlunar. Lagt er til að framkvæmdir hefjist strax sumarið 2026 enda er öllum undirbúningi lokið. Verður framkvæmdum þá lokið innan þriggja ára í stað fimm ára og fjármagn fært til samræmis.