Ferill 727. máls. Aðrar útgáfur af skjalinu: PDF - Word Perfect.
157. löggjafarþing 2025–2026.
Þingskjal 1453 — 727. mál.
Fyrirspurn
til heilbrigðisráðherra um fósturvísagreiningu vegna BRCA2-erfðabreytu.
Frá Ingibjörgu Isaksen.
1. Hefur ráðuneytið tekið afstöðu til þess hvort niðurgreiða eigi fósturvísagreiningu (PGT-P) fyrir einstaklinga sem bera BRCA2-erfðabreytu er veldur krabbameini? Ef svo er, samkvæmt hvaða viðmiðum á að niðurgreiða greiningu?
2. Hvaða vinna hefur farið fram af hálfu ráðuneytisins, Sjúkratrygginga Íslands eða annarra stjórnvalda frá árinu 2023 varðandi mögulega niðurgreiðslu eða skipulag þjónustu vegna fósturvísagreiningar fyrir BRCA2-arfbera?
3. Hefur verið gerð greining á samfélagslegum og fjárhagslegum áhrifum þess að gera einstaklingum sem bera BRCA2-erfðabreytu kleift að nýta sér fósturvísagreiningu hér á landi svo að þeir þurfi ekki að sækja hana til útlanda?
4. Hver er áætlaður kostnaður ríkisins vegna:
a. áhættueftirlits með einstaklingum sem bera BRCA2-erfðabreytu,
b. áhættuminnkandi aðgerða sem tengjast BRCA2-erfðabreytu,
c. meðferðar við krabbameini sem tengist BRCA2-erfðabreytu?
5. Hversu margir einstaklingar á Íslandi bera krabbameinsvaldandi erfðabreytu, þar á meðal BRCA2-erfðabreytu, og hvernig er eftirfylgd og áhættueftirliti með þeim háttað?
6. Hefur verið mótuð formleg stefna eða fjármögnun ákveðin vegna langtímaeftirlits og þjónustu við einstaklinga sem bera krabbameinsvaldandi erfðabreytu?
Skriflegt svar óskast.
