Ferill 674. máls. Aðrar útgáfur af skjalinu: PDF - Word Perfect.
157. löggjafarþing 2025–2026.
Þingskjal 1483 — 674. mál.
Svar
fjármála- og efnahagsráðherra við fyrirspurn frá Sigurjóni Þórðarsyni um útflutningsverðmæti á frystri loðnu.
Fyrirspurnin hljóðar svo:
Hvert var meðalverð útflutningsverðmæta á frystri loðnu á síðustu vertíð (kr./kg), árið 2025, á grundvelli tollskýrslna Skattsins?
Fjármála- og efnahagsráðuneytið leitaði til Skattsins um upplýsingar til að svara fyrirspurninni. Samkvæmt upplýsingum frá Skattinum er meðalverð útflutningsverðmæta árið 2025 á frystri loðnu 389 kr./kg. Nánara niðurbrot á tollskrárnúmer og þyngd í hverjum flokki er hægt að sjá í eftirfarandi töflu.
| Tollskrárnúmer | Nettóþyngd | Samtals tollverð í krónum |
| 03035901 | 8.257.057 | 3.211.827.527 |
| 03035902 | 167.006 | 64.911.587 |
| Samtals | 8.424.063 | 3.276.739.114 |
Rétt er að geta þess að tollakerfið tekur ekki sérstaklega til einstakra veiðivertíða og því miðast tölurnar í útflutningi við tollafgreiðsludag.
