Ferill 544. máls. Aðrar útgáfur af skjalinu: PDF - Word Perfect.
157. löggjafarþing 2025–2026.
Þingskjal 1512 — 544. mál.
Svar
dómsmálaráðherra við fyrirspurn frá Guðlaugi Þór Þórðarsyni um fjölda einstaklinga frá MENAP-löndum.
1. Hvað eru margir einstaklingar frá MENAP-löndum (Miðausturlöndum, Norður-Afríku, Afganistan og Pakistan) á aldrinum 18–67 ára nú búsettir á Íslandi?
Samkvæmt upplýsingum frá Þjóðskrá Íslands eru samtals 2.034 einstaklingar frá MENAP-löndum skráðir með lögheimili á Íslandi. Við úrvinnslu fyrirspurnarinnar var stuðst við skilgreiningu Alþjóðagjaldeyrissjóðsins (IMF) á MENAP-ríkjum.
| Miðausturlönd | |
| BH | Barein |
| IR | Íran |
| IQ | Írak |
| JO | Jórdanía |
| QW | Kúveit |
| LB | Líbanon |
| OM | Óman |
| QA | Katar |
| SA | Sádi-Arabía |
| SY | Sýrland |
| AE | Sameinuðu arabísku furstadæmin (UAE) |
| YE | Jemen |
| Norður-Afríka | |
| DZ | Alsír |
| DJ | Díbútí |
| EG | Egyptaland |
| LY | Líbía |
| MA | Marokkó |
| MR | Máritanía |
| SO | Sómalía |
| SD | Súdan |
| TN | Túnis |
| Afganistan og Pakistan | |
| AF | Afganistan |
| PK | Pakistan |
2. Hversu margir þeirra hafa búið hér í þrjú ár eða lengur?
Alls hafa 1.169 af þeim 2.034 einstaklingum sem skráðir eru með lögheimili á Íslandi búið hérlendis í þrjú ár eða lengur.
