Ferill 728. máls. Aðrar útgáfur af skjalinu: PDF - Word Perfect.
157. löggjafarþing 2025–2026.
Þingskjal 1514 — 728. mál.
Svar
fjármála- og efnahagsráðherra við fyrirspurn frá Ingveldi Önnu Sigurðardóttur um afdrif mála fyrir yfirskattanefnd.
Fyrirspurnin hljóðar svo:
1. Hversu mörg mál voru kærð til yfirskattanefndar á árunum 2016–2025?
2. Hversu mörgum málum lauk með úrskurði yfirskattanefndar á árunum 2016–2025?
3. Hve marga úrskurði birti yfirskattanefnd á vefsvæði sínu á árunum 2016–2025?
4. Í hve mörgum tilfellum á árunum 2016–2025 afréð ríkisskattstjóri eða ráðherra málaflokksins að höfða dómsmál til ógildingar á úrskurði yfirskattanefndar?
5. Hversu mörg mál voru felld niður á árunum 2016–2025 að beiðni skattaðila undir meðferð máls fyrir yfirskattanefnd?
6. Hversu mörg mál voru felld niður eða afturkölluð á árunum 2016–2025 að beiðni ríkisskattstjóra undir meðferð máls fyrir yfirskattanefnd? Hafi mál verið fellt niður eða afturkallað að beiðni ríkisskattstjóra er þess óskað að stutt reifun á ágreiningsefni hvers máls fylgi svarinu.
Ráðuneytið leitaði til yfirskattanefndar við vinnslu svarsins.
Í eftirfarandi töflu er svar við 1., 2., 3. og 5. tölul. fyrirspurnarinnar tekið saman.
| 2016 | 2017 | 2018 | 2019 | 2020 | 2021 | 2022 | 2023 | 2024 | 2025 | ||
| 1. | Fjöldi kæra til yfirskattanefndar | 249 | 188 | 209 | 192 | 206 | 214 | 173 | 189 | 194 | 200 |
| 2. | Fjöldi úrskurða | 275 | 202 | 202 | 201 | 191 | 223 | 158 | 197 | 170 | 204 |
| 3. | Birtir úrskurðir | 97 | 68 | 65 | 83 | 74 | 115 | 88 | 108 | 92 | 85 |
| Hlutfall | 35,30% | 33,70% | 32,20% | 41,30% | 38,70% | 51,60% | 55,70% | 54,50% | 54,10% | 41,70% | |
| 5. | Mál felld niður skv. beiðni aðila | 5 | 5 | 4 | 11 | 5 | 1 | 4 | 3 | 4 | 7 |
6. tölul. Á umræddu tímabili hefur ekkert mál verið fellt niður að beiðni ríkisskattstjóra enda er hann ekki kærandi í málum fyrir yfirskattanefnd heldur aðeins aðilar máls.
