Ferill 103. máls. Aðrar útgáfur af skjalinu: PDF - Word Perfect.
158. löggjafarþing 2026–2027.
Þingskjal 103 — 103. mál.
Fyrirspurn
til félags- og húsnæðismálaráðherra um örorku- og endurhæfingarlífeyrisþega og sjúkra- og endurhæfingargreiðslur.
Frá Guðlaugi Þór Þórðarsyni.
1. Hver var fjöldi einstaklinga sem fengu annars vegar örorkulífeyri og hins vegar endurhæfingarlífeyri/sjúkra- og endurhæfingargreiðslur á hverju ári 2015–2026, sundurliðað eftir aldurshópunum 18–19, 20–24, 25–29, 30–34, 35–39, 40–49, 50–59 og 60–66 ára?
2. Hvert var nýgengi örorku og endurhæfingar í hverjum þessara aldurshópa hvert ár, bæði sett fram sem fjöldi og hlutfall af mannfjölda sama aldurs?
3. Hver voru útgjöld ríkissjóðs vegna örorku og endurhæfingar í hverjum framangreindum aldurshópi eftir árum?
4. Hvernig skiptust örorku- og endurhæfingarlífeyrisþegar eftir aðalgreiningu, einkum geðröskunum, stoðkerfissjúkdómum, taugasjúkdómum og öðrum helstu flokkum, sundurliðað eftir aldurshópi og árum?
5. Hver var fjöldi örorku- og endurhæfingarlífeyrisþega eftir ríkisfangi og fyrsta skráða ríkisfangi/uppruna hvert ár 2015–2026, sundurliðað jafnframt eftir aldurshópi? Óskað er eftir að hlutfall innan hvers hóps sé reiknað miðað við mannfjölda sama aldurs og bakgrunns.
6. Hvernig skýrir ráðherra sérstaklega þá miklu fjölgun sjúkra- og endurhæfingargreiðsluþega sem fjárlaganefnd segir að hafi hafist um mitt ár 2023 og hvaða greining liggur nú þegar fyrir á orsökum hennar? Hver er útkomuspá 2026 um fjölda greiðsluþega og útgjöld samanborið við samþykkt fjárlög ársins?
Skriflegt svar óskast.
