Ferill 122. máls. Aðrar útgáfur af skjalinu: PDF - Word Perfect.
158. löggjafarþing 2026–2027.
Þingskjal 122 — 122. mál.
Fyrirspurn
til utanríkisráðherra um Evrópusambandið og aðlögunarstyrki.
Frá Guðlaugi Þór Þórðarsyni.
1. Hvenær hætti Ísland að fá aðlögunarstyrki (IPA-styrki) frá Evrópusambandinu?
2. Telst Ísland til umsóknarríkja samkvæmt Evrópusambandinu? Ef svo er, hvers vegna er Ísland ekki skilgreint sem slíkt í opinberum gögnum sambandsins?
3. Ef Ísland telst til umsóknarríkja að mati Evrópusambandsins, hvers vegna fær Ísland ekki IPA-styrki frá Evrópusambandinu líkt og önnur umsóknarríki?
4. Telur ráðherra að Ísland sé umsóknarríki? Ef svo er, mun ráðherra sækja IPA-styrki til Evrópusambandsins?
Skriflegt svar óskast.
