Ferill 124. máls. Aðrar útgáfur af skjalinu: PDF - Word Perfect.

158. löggjafarþing 2026–2027.
Þingskjal 124  —  124. mál.



Fyrirspurn


til fjármála- og efnahagsráðherra um fjármögnun samgöngusáttmála höfuðborgarsvæðisins.

Frá Guðlaugi Þór Þórðarsyni.

     1.      Hvers vegna er aðeins hluti af framlagi ríkisins til samgöngusáttmála höfuðborgarsvæðisins innan fjármálaáætlunar, eða 34,2 milljarðar kr., en samkvæmt kynningu Betri samgangna fyrir fjárlaganefnd Alþingis er beint framlag ríkisins til sáttmálans 20% og önnur fjármögnun frá ríki 6%, eða samtals 81 milljarður kr., en 65 milljarðar kr. eiga að koma til greiðslu á árunum 2025–2040?
     2.      Hefur Alþingi samþykkt þau fjárútlát sem ekki eru innan fjármálaáætlunar á annan hátt?
     3.      Hvernig tengist samgöngusáttmálinn samgönguáætlun Alþingis? Er gert ráð fyrir skuldbindandi fjárframlagi af hálfu Alþingis í samgönguáætluninni?
     4.      Hvaða áhrif hefur þetta á fjármögnun verkefnisins á framkvæmdatíma?
     5.      Leiðir þetta til verri fjármögnunarkjara og veldur þar með óvissu hvað framkvæmdina varðar?
     6.      Hvers vegna er stór hluti af framlagi ríkisins undir liðnum „önnur fjármögnun frá ríki“ og hver er munurinn á „annarri fjármögnun frá ríki“ og „beinu framlagi frá ríki“?


Skriflegt svar óskast.