Ferill 322. máls. Aðrar útgáfur af skjalinu: PDF - Word Perfect.


158. löggjafarþing 2026–2027.
Þingskjal 441  —  322. mál.

2. umræða.


Nefndarálit


um frumvarp til laga um breytingu á lögum um almennar íbúðir, nr. 52/2016 (stofnframlög).

Frá meiri hluta velferðarnefndar.


    Frumvarpið er flutt af meiri hluta velferðarnefndar að beiðni félags- og húsnæðismálaráðherra. Með frumvarpinu eru lagðar til breytingar á lögum um almennar íbúðir, nr. 52/2016, þar sem lagt er til að ríkið geti tímabundið tekið yfir hluta stofnframlags sveitarfélaga, að hluta eða öllu leyti, þannig að unnt verði að ráðast í uppbyggingu á hagkvæmum íbúðum innan almenna íbúðakerfisins á skömmum tíma. Þá er frumvarpið liður í aðgerðum ríkisstjórnarinnar vegna endurskoðunar kjarasamninga á almennum vinnumarkaði, samkvæmt yfirlýsingu frá 8. október 2026.
    Meiri hlutinn undirstrikar að markmið frumvarpsins er að auka húsnæðisöryggi, styrkja stöðu leigjenda sem og að styðja við áframhaldandi íbúðauppbyggingu við þær markaðsaðstæður sem nú eru uppi. Líkt og fram kemur í greinargerð með frumvarpinu hefur hátt vaxtastig og þar með aukinn fjármögnunar- og framkvæmdakostnaður, sem og takmarkað framboð byggingarhæfra lóða, hægt á uppbyggingu almenna íbúðakerfisins. Því er frumvarpinu ætlað að mæta skorti á byggingarhæfum lóðum og þrengri fjárhagsstöðu sveitarfélaga við núverandi efnahagsaðstæður sem hefur takmarkað möguleika þeirra á að veita stofnframlag í formi beins framlags. Að því virtu telur meiri hlutinn brýnt að frumvarpið nái fram að ganga.
    Að framangreindu virtu leggur meiri hlutinn til að frumvarpið verði samþykkt óbreytt.

Alþingi, 20. nóvember 2026.

Kolbrún Áslaugar Baldursdóttir,
form., frsm.
Kristján Þórður Snæbjarnarson. Jónína Björk Óskarsdóttir.
Ragna Sigurðardóttir. Sigmar Guðmundsson.