Ágúst Bjarni Garðarsson
Þingseta
Alþingismaður Suðvesturkjördæmis 2021–2024 (Framsóknarflokkur).
Æviágrip
Fæddur í Reykjavík 29. september 1987. Foreldrar: Garðar Smári Gunnarsson (fæddur 4. apríl 1959) lagerstjóri og Hafdís Abigael Gunnarsdóttir (fædd 18. október 1961) skólaritari. Maki: Áslaug María Jóhannsdóttir (fædd 28. maí 1990) kennari. Foreldrar: Jóhann Sigurðsson og Sigrún Erlendsdóttir. Börn: Hafsteinn Þór (2013) og Teitur (2018).
Stúdentspróf Flensborg 2007. BA-próf í stjórnmálafræði HÍ 2013. MPM-próf HR 2015.
Ýmis störf hjá Hafnarfjarðarbæ meðfram námi, m.a. æskulýðsstörf og stundakennsla. Verkefni hjá velferðarráðuneytinu 2014–2015. Tímabundið verkefni á skrifstofu utanríkisráðherra 2015. Aðstoðarmaður sjávarútvegs- og landbúnaðarráðherra 2015–2016. Aðstoðarmaður forsætisráðherra 2016–2017. Skrifstofustjóri þingflokks Framsóknarflokksins 2017. Aðstoðarmaður samgöngu- og sveitarstjórnarráðherra 2017–2018.
Bæjarfulltrúi í Hafnarfirði 2018–2022, formaður bæjarráðs 2018–2022, í hafnarstjórn 2018–2021, í skipulags- og byggingarráði 2018–2022, í stjórn Sorpu bs. 2018–2021. Formaður byggðamálaráðs, skipaður af ráðherra, 2018–2022. Formaður Sambands ungra framsóknarmanna 2015–2016.
Alþingismaður Suðvesturkjördæmis 2021–2024 (Framsóknarflokkur).
Efnahags- og viðskiptanefnd 2021–2024, framtíðarnefnd 2021–2024, stjórnskipunar- og eftirlitsnefnd 2023–2024.
Íslandsdeild þings Öryggis- og samvinnustofnunar Evrópu 2021–2023.
Æviágripi síðast breytt 7. janúar 2025.
Æviágrip þingmanna eru almennt ekki uppfærð eftir að þingsetu lýkur, nema leiðrétta þurfi augljósar villur.
