Guðmundur Guðfinnsson
Þingseta
Alþingismaður Rangæinga 1919–1923 (utan flokka (Framsóknarflokkur)).
Þingstörf
Æviágrip
Fæddur í Arnarstaðakoti í Flóa 20. apríl 1884, dáinn 30. júlí 1938. Foreldrar: Guðfinnur Þorvarðsson (fæddur 27. mars 1850, dáinn 7. apríl 1906) bóndi þar og kona hans Guðrún Oddsdóttir (fædd 16. nóvember 1849, dáin 16. desember 1897) húsmóðir. Maki (18. febrúar 1909): Margrét Lárusdóttir (fædd 25. október 1889, dáin 24. október 1966) húsmóðir. Foreldrar: Lárus Pálsson og Guðrún Þórðardóttir. Börn: Lárus Haraldur (1909), Oddur Guðfinnur (1911), Guðrún Ágústa (1917), Ólöf (1922).
Stúdentspróf Lsk. 1904. Læknisfræðipróf Læknaskólanum 1909. Framhaldsnám í Kaupmannahöfn 1909. Nám í augnlækningum í Prag og Vín 1923–1924. Viðurkenndur sérfræðingur í augnlækningum 1928.
Gegndi Rangárhéraði 1909–1910, Öxarfjarðarhéraði 1910–1911, sat á Kópaskeri. Héraðslæknir í Rangárhéraði 1912–1925, sat að Stórólfshvoli. Augnlæknir í Reykjavík 1924–1933 og ferðaðist um landið með styrk úr ríkissjóði. Skipaður 1933 héraðslæknir í Fáskrúðsfjarðarhéraði, stundaði jafnframt augnlækningar og ferðaðist um Austfirðingafjórðung til augnlækninga með styrk úr ríkissjóði.
Alþingismaður Rangæinga 1919–1923 (utan flokka (Framsóknarflokkur)).
Æviágripi síðast breytt 2. september 2015.
Æviágrip þingmanna eru almennt ekki uppfærð eftir að þingsetu lýkur, nema leiðrétta þurfi augljósar villur.
