Jóhann Þ. Jósefsson
Þingseta
Alþingismaður Vestmanneyinga 1923–1959 (Borgaraflokkurinn eldri, Íhaldsflokkurinn, Sjálfstæðisflokkur).
Fjármála- og sjávarútvegsmálaráðherra 1947–1949, sjávarútvegs-, samgöngu- og iðnaðarmálaráðherra 1949–1950.
Forseti efri deildar 1942, forseti neðri deildar 1942–1943. 1. varaforseti efri deildar 1942.
Æviágrip
Fæddur í Vestmannaeyjum 17. júní 1886, dáinn 15. maí 1961. Foreldrar: Jósef Valdason, kjörsonur (fæddur 6. maí 1848, dáinn 12. janúar 1887) skipstjóri þar og kona hans Guðrún Þorkelsdóttir (fædd 10. janúar 1844, dáin 14. október 1919) húsmóðir. Maki 1 (15. október 1915): Svanhvít Ólafsdóttir (fædd 3. nóvember 1893, dáin 13. ágúst 1916) húsmóðir. Foreldrar: Ólafur Arinbjarnarson og kona hans Sigríður Eyþórsdóttir. Maki 2 (22. maí 1920): Magnea Dagmar Þórðardóttir (fædd 10. október 1901, dáin 2. júlí 1990) húsmóðir. Foreldrar: Þórður Helgi Þórðarson og kona hans Veronika Einarsdóttir. Börn Jóhanns og Magneu: Svana Guðrún (1921), Ágústa (1922), Ólafur (1928). Dóttir Jóhanns og Ingveldar Jónsdóttur (fædd 11. nóvember 1889, dáin 27. apríl 1913): Unnur (1911).
Rak verslun og útgerð í Vestmannaeyjum í félagi við Gunnar Ólafsson kaupmann og alþingismanns (og fyrst í stað einnig Pétur J. Thorsteinsson frá Bíldudal) 1909–1955. Búsettur í Reykjavík frá 1935 og hafði þar umboðsverslun um skeið. Skipaður 4. febrúar 1947 fjármála- og sjávarútvegsmálaráðherra, lausn 2. nóvember 1949, en gegndi störfum til 6. desember. Skipaður 6. desember 1949 sjávarútvegs-, samgöngu- og iðnaðarmálaráðherra, lausn 2. mars 1950, en gegndi störfum til 14. mars. Framkvæmdastjóri Samlags skreiðarframleiðenda frá stofnun þess 1953 til ársloka 1960.
Bæjarfulltrúi í Vestmannaeyjum 1918–1938. Stofnaði með öðrum Lifrarsamlag Vestmannaeyja 1933 og Björgunarfélag Vestmannaeyja, átti sæti í stjórn frá byrjun og var framkvæmdastjóri meðan félagið átti Þór. Þýskur vararæðismaður í Vestmannaeyjum frá 1919. Fulltrúi ríkisstjórnarinnar við verslunarsamninga í Þýskalandi 1931, 1932, 1933, 1934, 1935, 1938 og 1939. Í stjórn Sölusambands íslenskra fiskframleiðenda frá stofnun þess. Í síldarútvegsnefnd um skeið (kosinn af útgerðarmönnum 1938). Formaður nýbyggingarráðs 1944–1947. Í milliþinganefnd í sjávarútvegsmálum 1931–1932. Í landsbankanefnd 1938–1944. Fulltrúi á þingi Alþjóðaþingmannasambandsins í Dublin 1950, fulltrúi á þingi Evrópuráðsins frá 1950 til æviloka, fulltrúi á allsherjarþingi Sameinuðu þjóðanna 1954 og 1955.
Alþingismaður Vestmanneyinga 1923–1959 (Borgaraflokkurinn eldri, Íhaldsflokkurinn, Sjálfstæðisflokkur).
Fjármála- og sjávarútvegsmálaráðherra 1947–1949, sjávarútvegs-, samgöngu- og iðnaðarmálaráðherra 1949–1950.
Forseti efri deildar 1942, forseti neðri deildar 1942–1943. 1. varaforseti efri deildar 1942.
Æviágripi síðast breytt 17. nóvember 2017.
Æviágrip þingmanna eru almennt ekki uppfærð eftir að þingsetu lýkur, nema leiðrétta þurfi augljósar villur.
