Kristín L. Sigurðardóttir
Þingseta
Landskjörinn alþingismaður 1949–1953 (Sjálfstæðisflokkur).
Varaþingmaður Reykvíkinga október–nóvember 1953, október–desember 1954, febrúar–mars og mars–maí 1955 og febrúar–mars 1956.
Þingstörf
Æviágrip
Fædd í Reykjavík 23. mars 1898, dáin 31. október 1971. Foreldrar: Sigurður Þórólfsson (fæddur 11. júlí 1869, dáinn 1. mars 1929) kennari, síðar skólastjóri á Hvítárbakka í Borgarfirði og 1. kona hans Anna Guðmundsdóttir (fædd 25. nóvember 1873, dáin 9. apríl 1901) húsmóðir. Hálfsystir Ásbergs Sigurðssonar alþingismanns og Áslaugar konu Hauks Hafstaðs varaþingmanns. Maki (8. febrúar 1919): Karl Óskar Bjarnason (fæddur 16. október 1895, dáinn 25. mars 1960) varaslökkviliðsstjóri í Reykjavík. Foreldrar: Bjarni Jakobsson og Sólveig Ólafsdóttir. Börn: Guðmundur (1919), Anna Kristín (1929), Sigurður (1930).
Nám í Lýðskólanum á Hvítárbakka 1913–1915.
Verslunar- og skrifstofustörf í Reykjavík 1915–1918. Húsmóðurstörf.
Í stjórn Sjálfstæðiskvennafélagsins Hvatar frá stofnun 1937, ritari fyrstu ellefu árin. Í áfengisvarnanefnd kvenna í Reykjavík og Hafnarfirði frá stofnun 1945, formaður fyrstu þrjú árin. Formaður framkvæmdanefndar Hallveigarstaða 1950–1966. Í stjórn Kvenréttindafélags Íslands 1952–1968. Í miðstjórn og skipulagsnefnd Sjálfstæðisflokksins frá 1956. Formaður Landssambands sjálfstæðiskvenna 1956–1965. Í orlofsnefnd húsmæðra í Reykjavík 1961–1966 og í barnaverndarnefnd Reykjavíkur 1962–1966.
Landskjörinn alþingismaður 1949–1953 (Sjálfstæðisflokkur).
Varaþingmaður Reykvíkinga október–nóvember 1953, október–desember 1954, febrúar–mars og mars–maí 1955 og febrúar–mars 1956.
Æviágripi síðast breytt 30. janúar 2015.
Æviágrip þingmanna eru almennt ekki uppfærð eftir að þingsetu lýkur, nema leiðrétta þurfi augljósar villur.
