Ásbjörn Óttarsson
Þingseta
Alþingismaður Norðvesturkjördæmis 2009–2013 (Sjálfstæðisflokkur).
Æviágrip
Fæddur í Reykjavík 16. nóvember 1962. Foreldrar: Óttar Sveinbjörnsson (fæddur 14. nóvember 1942) verslunarmaður og Guðlaug Íris Tryggvadóttir (f. 14. ágúst 1941) verslunarmaður. Maki: Margrét G. Scheving (fædd 14. nóvember 1962) útgerðarmaður. Foreldrar: Gylfi Guðmundur Scheving og Jóhanna Guðríður Hjelm. Synir: Friðbjörn (1984), Gylfi (1988), Óttar (1996).
Skipstjórnarpróf Stýrimannaskólanum í Reykjavík 1983.
Sjómaður frá 1978 og útgerðarmaður frá 1983. Stofnaði ásamt öðrum fiskvinnslu- og útgerðarfyrirtækið Nesver 1987 og á og rekur Nesver síðan 2003.
Í bæjarstjórn Snæfellsbæjar frá 1994, forseti bæjarstjórnar frá 1998. Í bæjarráði Snæfellsbæjar 1994–1998. Í Siglingaráði 1999–2007. Í kjörnefnd sjálfstæðismanna í Norðvesturkjördæmi 2003, formaður kjörnefndar 2007.
Alþingismaður Norðvesturkjördæmis 2009–2013 (Sjálfstæðisflokkur).
Fjárlaganefnd 2009–2013, samgöngunefnd 2009–2011, þingmannanefnd til að fjalla um skýrslu rannsóknarnefndar Alþingis 2009–2010.
Æviágripi síðast breytt 23. febrúar 2015.
Æviágrip þingmanna eru almennt ekki uppfærð eftir að þingsetu lýkur, nema leiðrétta þurfi augljósar villur.
