tilraunaverkefni um lokun vegkafla sem áformað er að setja undir borgarlínu.

Herra forseti. Ég las þessa þingsályktunartillögu. Þá hélt ég nú að hún væri eitthvert grín, einhver kerskni sem væri um að ræða. En svo þegar ég hlustaði á hv. þm. Bergþór Ólason flytja þetta mál var hann svo ábúðarfullur að ég er bara farinn að efast. Er þetta eitthvað sem Miðflokkurinn trúir á eða er þetta alvörutillaga sem hv. þingmenn Miðflokksins vilja í raun og veru láta reyna á borgarbúa? Að loka vegum í þrjár, fjórar vikur og jafnvel um haust og vetur? Ég held að það sé ekki vel gert. Og ef það er einhver alvara á bak við þetta þá er þetta samt sem áður grín en þá á kostnað borgarbúa þannig að það væri ágætt að fá það fram hjá hv. þingmanni. Er þetta grín? Eða er þetta alvara?